Read Batak Karo MASMUR 83 Bible Online

MASMUR 83 - Batak Karo bible

MASMUR 83

¹Masmur Asap; ende-enden.

²O Dibata, ola Kam sinik saja, ola jeneng saja, ola kem saja.

³Nehenlah guyu imbangNdu, kalak si ernembeh ate man baNdu sangana berontak.

⁴Ibahanna taki pacik ngelawan bangsaNdu, erpekat guna ngelawan bangsa si ikawaliNdu.

⁵Nina, “Ota siripukken bangsa Israel, gelah lanai inget gelar bangsa e.”

⁶Enggo sada arihna, erbahan perpadanen ngelawan Kam,

⁷Bangsa Edom ras Ismael, kalak Moap ras Hagar.

⁸Bangsa Gebal, Amon ras Amalek, bangsa Pilisti ras Tirus.

⁹Assur pe enggo rassa, jadi mata-mata kesusuren Lut.

¹⁰Lakokenlah man bana bagi man kalak Midian, bagi man Sisera ras Jabin i Lau Kison.

¹¹Si ikernepken i Endor, dingen bangkena enggo macik i bas taneh.

¹²Lakokenlah man peminpin-peminpinna bagi man Oreb ras man Seeb, taluken pemerentahna bagi Sebah ras Salmuna,

¹³sabap enggo luar ranan pemerentah-pemerentah e nina, “Ota sirebut taneh ingan Dibata tading.”

¹⁴O Dibata, kernepken min ia bagi abu, bagi segal iembus angin.

¹⁵Bagi api nciluk kerangen, gara api ngeradasken deleng-deleng.

¹⁶Elislah ia alu angin kaba-kaba, huntakken alu angin kalinsungsung.

¹⁷Bahan maka juru iakapna o TUHAN, bahan maka idaramina kuasaNdu.

¹⁸Bahan maka talu ia janah lalap ia mbiar, bahan maka ia mate alu la lit kemulianna.

¹⁹Gelah ietehna maka Kam TUHAN si Meganjangna i datas kerina doni enda.