Read Batak Karo MASMUR 87 Bible Online

MASMUR 87 - Batak Karo bible

MASMUR 87

¹Masmur anak-anak Korah; ende-enden. I datas deleng si badia, ipajekken TUHAN kutaNa.

²I bas kerina kuta-kuta si lit i Israel, Jerusalem ateNa si kelengna.

³O kuta Dibata, enda me perkara-perkara si mejin si ikataken Dibata kerna kam; begikenlah,

⁴“Mesir ras Babilon Kubahan ikut i bas bangsa-bangsa si nandai Aku. Bangsa Pilisti, Tirus, Sudan tama beligan Kubahan i bas kalak Jerusalem.”

⁵Kerna Sion bage me nina kalak, Kerina bangsa sikerajangenna kap. Dibata si Mada Kuasa, e me si mahanca ia paguh.

⁶Isuratken TUHAN me maka bangsa-bangsa, jadi kalak Jerusalem.

⁷Landek janah rende me ia nina, “I Sion kap sumbul kerina pasu-pasu man kami!”