Read Batak Karo MASMUR 95 Bible Online

MASMUR 95 - Batak Karo bible

MASMUR 95

¹Mari kita rende muji TUHAN, ersurak-surak man Dibata kecionta!

²Ota kita ngadap man Dibata ngataken bujur, janahta ngendeken ende-enden pujin si meriah.

³Sabap TUHAN kap Dibata si mbisa, Raja si mbisa, ganjangen asangken kerina dibata-dibata.

⁴Ia nge si ngkuasai doni enda kerina, i bas bagin si mbagesna nari terus ku deleng-deleng si meganjangna.

⁵Ia erkuasa i babo lawit si enggo itepaNa, janah kendit enda pe bekas tanNa erbahanca.

⁶Ota nembah mungkuk man baNa, erjimpuh i adep-adepen TUHAN, Si Nepa kita.

⁷Sabap Ia kap Dibatanta, kita bangsa si ikelengiNa. Kita desken rarasen biri-biri si ipermakaniNa. [112†] [113†] E maka wari enda dengkehkenlah soraNa,

⁸“Ola pemersik atendu bagi nini-ninindu, tupung i Meriba, i gurun pasir Masa. [114†]

⁹I jah icubaina, dingen iujina Aku, aminna pe enggo idahna perbahanenKu.

¹⁰Empat puluh tahun dekahna ciga ateKu ia, ningKu, ‘Payo kal me bangsa enda la patuh, la kal iperdiatekenna undang-undangKu.

¹¹E maka ersumpah Aku i bas nembeh ateKu, kutera pe kalak enda la banci bengket ku negeri e ndatken kesenangen ras Aku.’ ” [115†]