Read Batak Karo MASMUR 96 Bible Online

MASMUR 96 - Batak Karo bible

MASMUR 96

¹Endekenlah ende-enden si mbaru, o doni kerina, rendelah man TUHAN!

²Rende min man TUHAN, pujilah Ia. Beritaken min berita si mehuli kerna keselamaten man banta.

³Turiken min kemulianNa man bangsa-bangsa, momoken min perbahanenNa si mejin man kerina jelma.

⁴Sabap mbelin kal kap TUHAN, medolat mekelek me Ia, patut maka mbiar kalak man baNa lebihen asangken man kerina dibata-dibata.

⁵Dibata-dibata bangsa si deban, gana-gana kap, tapi TUHAN kap si nepa langit.

⁶Kemulian ras kiniulin lit i sekelewetNa, kuasa ras kinijilen ndemi RumahNa.

⁷O bangsa manusia, pujilah TUHAN, pujilah kemulian dingen kuasaNa. [116†]

⁸Pujilah gelarNa si mulia, babalah persembahen janah reh ku RumahNa.

⁹Sembahlah TUHAN alu make paken si badia, o doni kerina, dahilah Ia alu gentar.

¹⁰Katakenlah man bangsa-bangsa, “TUHAN kap raja! Doni paguh la terugur; bangsa-bangsa iadiliNa alu bujur.”

¹¹Meriahlah, o langit ras doni! Ergeruhguhlah, o lawit ras isina kerina!

¹²Meriahlah, o juma ras isina kerina, batang-batang kayu i kerangen meriahlah persurakna!

¹³Sabap reh TUHAN ngakimi doni enda, alu kesetianNa irungguiNa bangsa-bangsa.