Read Batak Karo MASMUR 97 Bible Online

MASMUR 97 - Batak Karo bible

MASMUR 97

¹ TUHAN kap raja! O doni ersuraklah. O pulo-pulo ersuraklah!

²Embun dingen kegelapen ngkeleweti Ia. Ia merentah alu kebenaren ras kebujuren.

³Api ernala-nala i adep-adepenNa, musuh i kelewetna meseng ibahanNa.

⁴KilapNa nerangi doni, gentar doni ngidahsa.

⁵I adep-adepen TUHAN, deleng-deleng melengas desken lilin, sabap ia kap TUHAN nu kerina doni.

⁶Langit ermomo kerna kebenarenNa, kerina bangsa ngidah kemulianNa.

⁷Kerina kalak si nembah gana-gana ijuruken me, saksi ras kalak si megah iakapna kerna berhala-berhala, kerina dibata-dibata erjimpuh i adep-adepen TUHAN.

⁸Ersurak meriah kalak Sion ras Juda, erkiteken keputusenNdu, TUHAN.

⁹ TUHAN si Mada Kuasa kap ngkuasai doni enda, kemulianNa ngelebihi kerina dibata-dibata.

¹⁰O kam si erkeleng ate man TUHAN, cigalah ateNdu kejahaten. Sabap ikawali TUHAN kap kalak si setia man baNa ikeliniNa ia i bas kuasa kalak jahat nari.

¹¹Terang ersinalsal i babo kalak si benar, kalak bujur dem alu keriahen.

¹²Meriahlah atendu kerna TUHAN, o kerina kalak si pinter ukurna, janah kataken bujur man Dibata si Badia.