Read Batak Karo MASMUR 99 Bible Online

MASMUR 99 - Batak Karo bible

MASMUR 99

¹ TUHAN kap raja, manusia nggirgir. Ia kundul i bas kursi kinirajanNa i babo kerubim doni pe mugur-ugur. [117†]

²Mada Kuasa kal TUHAN i Sion, Ia kap ngkuasai kerina bangsa-bangsa.

³Kerina kalak muji gelarNa si mulia medolat, Badia kap Ia!

⁴O TUHAN, Kam kap Raja si mbisa; ngena ateNdu kebenaren, enggo ipajekkenNdu kinibujuren, kinibujuren ras kebenaren idalankenNdu i Israel.

⁵Pujilah TUHAN, Dibatanta, nembah erjimpuhlah i adep-adepen kursi kinirajanNa, Badia kap Ia!

⁶Musa ras Harun kap imamna, Samuel e me kap kalak si tutus ertoto man baNa, erlebuh ia man baNa janah idengkehkenNa pertotonna.

⁷I bas binangun embun nari ngerana Ia man kalak kerina, ipatuhina kerina perentah-perentahNa. [118†]

⁸O TUHAN Dibata kami, Kam enggo ndengkehken ia; Kam kap Dibata si nggit ngalemi dosana, aminna pe iukumNdu kang kalak erkiteken dosa-dosana.

⁹Pujilah TUHAN Dibatanta, ersembahlah i bas delengNa si badia, TUHAN Dibatanta Badia kap.