Read Batak Karo PENGERANA 11 Bible Online

PENGERANA 11 - Batak Karo bible

PENGERANA 11

¹Berekenlah ertandu man kalak si ndauh i kepar lawit i bas sada paksa denggo ibereken Dibata man bandu untungna.

²Tamakenlah duitndu i bas piga-piga usaha -- tuhu, i bas mbue usaha -- sabap la itehndu cilaka si banci reh bandu i babo doni enda.

³Kempak apai pe perbulak batang kayu, tetap nge ampar i bas inganna mbulak. Adi embun enggo dem lau, ndabuh me udan meder.

⁴Kalak si nimai mehuli lebe wari, lalap ia la merdang, lalap la rani.

⁵Kai pe Dibata si njadikenca janah la terantusi pe. La iangkandu perbahanenNa. Bagi la iangkandu pemenan kegeluhen i bas bertin.

⁶Tupung erpagi-pagi arus kam merdang bage ka lah perbahanenndu tupung berngi. Sabap la sieteh apai si mehulina perturahna, banci jadi duana mehuli perturahna.

⁷Sinalsal matawari erbahan meriah ate, seh kal senangna kune ngasup kita ngenanamisa.

⁸Katakenlah bujur, adi tambah umurndu. Tapi inget, aminna ndekah gia kam nggeluh i bas pertibi enda, dekahen denga ka nge kam ringan i bas doni kematen. Dage, kai si banci iarapken? Kerina percuma dingen sia-sia.

⁹O kalak si nguda denga, meriahlah atendu! Meriahlah atendu tupung kam nguda denga. Lakokenlah kai si atendu ilakokenndu, dingen ikutkenlah sura-sura pusuhndu. Tapi inget maka Dibata kap si ngadili kerina kai si ibahanndu.

¹⁰Ola pelepas dirindu i bas aru ate ras ukur gulut. Sabap kengudanndu labo kap ndekah.