Read Batak Karo ENDE-ENDEN SALOMO 2 Bible Online

ENDE-ENDEN SALOMO 2 - Batak Karo bible

ENDE-ENDEN SALOMO 2

¹Aku bali kap ras rudang-rudang si turah-turah bana i Baluren Saron, bunga ncole si turah i berneh deleng.

²Desken bunga ncole i tengah rambah duri, bage me impalku i tengah diberu-diberu.

³Bali ras batang apel, i tengah kerangen bage me impalku i tengah-tengah dilaki si deban. Meriah ukurku cilinggem i teruhna, buahna, entebu kuakap nanamna.

⁴Ibabana aku ku ingan erpesta, ipernehenna aku alu dem ngena ate.

⁵Pegegehi aku mulihken alu buah anggur, pesenang dagingku alu buah apel. Lanai tertahanken tedeh ateku.

⁶Tanna si kawes natang takalku, alu tanna si kemuhen isapu-sapuna aku.

⁷O diberu Jerusalem erpadanlah, ersumpahlah erkiteken belkih ras balua si meter kiam, maka la atendu nganggu kami, kami si sangana singenan.

⁸Kubegi sora impalku. Kiam-kiam mentasi deleng-deleng pedas-pedas ia ngepari uruk-uruk ndahi aku.

⁹Impalku bali ras belkih, bali ras anak balua, tedis deherken tembok, ipernehenna arah jendela, iintipna arah renggang-renggang.

¹⁰Ngerana impalku man bangku. Mari impalku, ikutken aku.

¹¹Paksa mbergeh ras paksa perudan enggo lepas.

¹²I bas mbalmbal rudang-rudang enggo terlak e kap paksana rende-rende. Sora ndukur erlebuh terbegi i juma-juma.

¹³Buah ara enggo mulai tasak, bau bunga anggur enggo teranggeh. Mari impal, mari keleng ateku, ikutken aku.

¹⁴Kam desken nderpati si cebuni i bas lingling batu. Pelepas min kuidah rupandu si mejile, pediat min kubegi sorandu si mehuli e.

¹⁵Tangkap min serigala si kitik-kitik, ope denga sempat icedakenna peken anggur kami si sangana erbunga.

¹⁶Impalku e aku kap empuna, janah aku ia empuna, ipermakanina rarasen e i tengah-tengah bunga ncole

¹⁷seh ngayak rembus angin erpagi-pagi, janah kegelapen enggo mulai lesap. Mulih pedas, o impalku, bali ras belkih; bali ras anak belkih i datas deleng si erbatu-batu.