Read Batak Karo JESAYA 18 Bible Online

JESAYA 18 - Batak Karo bible

JESAYA 18

¹I lepar lau mbelin i Sudan, lit sada negeri i ja terbegi sora kabang si erdegur. [43†]

²I bas negeri e nari rehen wakil-wakil raja arah Lau Nil nangkih perahu si ibahan i bas batang bero nari. Mulihlah ku kutandu o persuruhen si pedas erdalan. Baba berita ku kutandu si melala lau belinna e, ku negerindu si megegeh dingen si erkuasa, ku bangsandu si nggedang kalakna dingen melinang kulitna, si ibiari kalak i belang-belang doni enda.

³Begikenlah o kerina manusia si ngiani doni! Perdiatekenlah bendera perang si ipenangkih i datas deleng-deleng! Dengkehkenlah sora terompet perang!

⁴Nina TUHAN man bangku, “I Surga nari Kuperdiateken doni enda alu teneng, bali tenengna ras namur si jadi i bas berngi si ngisah tupung paksa peranin, bali ras matawari tupung pantek ciger.

⁵Ope denga buah anggur iperani, ope denga buah anggur e tasak i bas batangna, kenca bungana enggo jadi mutik, musuh enggo engkernepken bangsa Sudan bali sukahna ras piso engkeret batang anggur.

⁶Mait tentera Sudan ipelepas ampar-ampar man pangan perik-perik ras rubia-rubia si meliar. Tupung paksa perlego mait-mait e jadi nakan perik-perik, janah tupung paksa mbergeh jadi nakan rubia-rubia.”

⁷Seh me paksana maka TUHAN si Mada Kuasa ngaloken persembahen i bas negeri si melala lau belinna enda nari, negeri si megegeh ras erkuasa e, si jelmana gedang ras kulitna melinang, si ibiari i belang-belang doni. Reh me ia kerina ku Deleng Sion, ingan nembah man TUHAN si Mada Kuasa.