Read Batak Karo JESAYA 20 Bible Online

JESAYA 20 - Batak Karo bible

JESAYA 20

¹Arah perentah Sargon raja Assur, maka puanglima tentera Assur reh nerang kuta Asdot i negeri kalak Pilisti jenari italukenna.

²Telu tahun ope si e enggo ikataken TUHAN man Jesaya anak Amos gelah nangtangi sepatu ras uis guni si ipakena. Iikutkenna kata TUHAN, e maka gawah-gawah ia alu manjang-anjang janah la ersepatu.

³Tupung Asdot italuken nina TUHAN, “Suruh-suruhenKu Jesaya enggo telu tahun dekahna gawah-gawah alu manjang-anjang dingen la ersepatu. Enda me sada tanda kerna kai pagi jadi nandangi Mesir ras Sudan.

⁴Tabanen si itangkap raja Assur i bas negeri si dua e ibaba pagi lawes manjang-anjang ras la ersepatu, janah si enda erbahanca mela iakap Mesir.

⁵Kalak si ernalem kempak Sudan dingen si ngagahken Mesir la banci lang mela akapna, janah bene pengarapenna.”

⁶Tupung paksa e, kalak si ringan i tepi lawit ngatakenca, “Nehenlah uga enggo jadina negeri penalementa e; mbarenda si arapken ia ngkawali kita i bas raja Assur nari! Ja nari nge banci kita pulah?”