Read Batak Karo JESAYA 35 Bible Online

JESAYA 35 - Batak Karo bible

JESAYA 35

¹Gurun pasir ras taneh kerah-kerah meriah pagi iakapna, taneh mesawang ersurak janah erbunga.

²Gurun pasir bungana mbue, ersurak meriah janahna rende. Gurun pasir e bali pagi jilena ras Deleng Libanon, bali mehumurna ras juma-juma Karmel ras Saron. Tep-tep kalak ngidah kehagan TUHAN-ta, ngidah kuasa Dibata ras kemulianNa.

³Tan si enggo latih pegegehilah, tiwen si enggo nggirgir bahanlah maka enteguh. [65†]

⁴Katakenlah man si tumpat ukur, “Piherken ukurndu ola kam mbiar, Reh me Dibata, ipulahiNa me kam, musuh-musuhndu kerina iukum.”

⁵E maka kalak pentang erpengidah pagi, kalak pasek erpemegi. [66†]

⁶Kalak cempang lompat-lompat desken belkih, kalak si la beluh ngerana ersurak-surak alu meriah. Pultak me sumbul lau i bas gurun pasir, i bas taneh mesawang turah lau maler.

⁷Kersik si melas salih jadi dano, i bas taneh kerah erburak-burak ulu lau. Taneh si gelgel nari ingan biang kerangen nggeluh, genduari turah i je rengo.

⁸Lit pagi sada pasar i je, si igelari “Dalan si Badia”. Kalak perdosa la lit sada pe erdalan arah e, kalak motu la ibabaina papak kalak si erdalin rassa.

⁹La lit i je singa, la lit mentas arah e rubia-rubia si merawa. Kasa kalak si enggo ipulahi TUHAN, tupung mulih arah e me ia kerina erdalan.

¹⁰Alu dem keriahen seh ia i Jerusalem kerina, rende ras ersurak meriah kal akapna. Seh rasa lalap malem me atena, asa ndigan pe lanai atena ndele, lanai atena ceda.