Read Batak Karo JESAYA 39 Bible Online

JESAYA 39 - Batak Karo bible

JESAYA 39

¹Kira-kira i bas paksa si e ka, raja negeri Babilon, Merodak Baladan, anak Baladan, megi berita kerna Raja Hiskia sakit janah enggo malem. E maka ikiremkenna surat ras pemere man Raja Hiskia.

²Ialo-alo Hiskia pertenahen ndai, jenari icidahkenna kebayakenna man kalak ndai, pirakna ras emasna, rempah-rempah ras minak wangina, ras kerina perkakas tenterana. Kasa si lit i bas gudang bage pe i bas kerina kerajanna la lit si la icidahken Hiskia man kalak ndai.

³Kenca bage ijumpai Nabi Jesaya Raja Hiskia, isungkunina nina, “I ja nari kalak enda janah kai nina man bandu?” Erjabap Hiskia nina, “Kalak enda reh i bas negeri si ndauh nari, e me negeri Babilon.”

⁴“Kai si enggo idahna i bas istana?” “Kerina enggo idahna. Kasa si lit i bas perbendaharanku enggo kucidahken man kalak enda.”

⁵Jenari nina Jesaya man raja, “TUHAN si Mada Kuasa ngatakenca maka,

⁶paksana reh me, i ja kerina barang-barang si lit i bas istanandu, kerina si enggo ipepulung nini-ninindu seh kubas paksa enda, ibaba me ku negeri Babilon, la lit sada pe si tading.

⁷Piga-piga kalak anak dilaki kesusurenndu pe ikut ibaba jenari ikebiri guna ijadiken suruh-suruhen i bas istana raja Babilon.” [70†]

⁸Iertiken Hiskia kata enda maka kidekah ia nggeluh denga kerajanna tetap nge aman dingen dame. E maka erjabap ia nina, “Berita si ipesehndu e man bangku i bas TUHAN nari mehuli nge.”