Read Batak Karo JESAYA 56 Bible Online

JESAYA 56 - Batak Karo bible

JESAYA 56

¹Nina TUHAN man bangsaNa, “Lakokenlah kai si bujur dingen sue ras peratenKu. Sabap kentisik nari Kukelini me kam.

²Kupasu-pasu kalak si la mekarus nandangi wari Sabat, dingen si makesa bagi arusna. Kupasu-pasu kalak si la ngelakoken kejahaten.”

³Bangsa si deban si enggo ersada ras TUHAN, ola min nina ngerana, “La ibere TUHAN aku nembah ras bangsaNa.” Si enggo iagui kinidilakinna, ola min iakapna ia la banci bengket ku bas bilangen bangsa Dibata erkite-kiteken la lit kesusurenna.

⁴Ikataken TUHAN man kalak si bage, “Adi ipehagandu Aku alu nginget wari Sabat, janah ilakokenndu kai si ngena ateKu janah alu tutus igelemndu perpadanenKu,

⁵e maka iinget gelarndu i bas Rumah PertotonKu ras i tengah-tengah bangsangKu, ulin asangken adi lit anakndu dilaki tah diberu. Asa ndigan pe la kam ilupaken.”

⁶Jenari nina TUHAN kempak bangsa si deban si enggo ersada ras Ia, si erkeleng ate ras nembah man baNa, si nginget wari Sabat janah alu tutus nggelem perpadanenNa,

⁷“Kubaba kam ku Sion, delengKu si Badia. Kubere keriahen man bandu i bas rumah persembahenKu, janah Kualoken persembahen si ipersembahkenndu i das batar-batarKu. Rumah PertotonKu igelari rumah ingan ertoto man kerina bangsa.” [121†]

⁸ TUHAN si Erdolat, si enggo naruhken bangsaNa Israel mulih i bas pembuangen nari, enggo erpadan maka ibabaNa denga tole bangsa si deban ikut ras bangsaNa e.

⁹ TUHAN enggo nuruh bangsa-bangsa si deban reh desken rubia-rubia merawa guna njerngem bangsaNa.

¹⁰Nina TUHAN, “Kerina peminpin-peminpin e arusna min mpersingeti bangsangKu; tapi pentang ia kerina, kai pe la ietehna. Peminpin-peminpin e bali ras biang si la nggit ngereng. Gempang saja ia janah nipi-nipin. Medem atena rusur!

¹¹Ia kerina bali ras biang si rangap si la pernah besur. Peminpin-peminpin e la lit pengertinna; kerina ia ngelakoken bagi ate-atena janah beltekna saja ngenca iukurkenna.

¹²‘Mari si buat anggur,’ nina pemabuk-pemabuk e, ‘minemlah kita asa puasta. Wari si pagi ulin denga nge asa sendah!’ ”