Read Batak Karo JESAYA 64 Bible Online

JESAYA 64 - Batak Karo bible

JESAYA 64

¹Caingken min langit, nusurlah Kam TUHAN maka deleng-deleng nggirgir i adep-adepenNdu,

²bali ras api si erbahanca kayu gara janah luam lau ibahanna. Petangkaslah kuasaNdu man imbangNdu, gelah bangsa-bangsa nggirgir i adep-adepenNdu.

³Pernah nai ibahanNdu perbahanen si mejin, perbahanen si la iarap kami bage jadina. Reh Kam nusur ku doni, e maka deleng-deleng nggirgir i adep-adepenNdu.

⁴Nuria nari la pernah ibegi manusia, la lit mata si pernah ngidahsa, Dibata si bagi Kam ulina perbahanenNa nandangi manusia si ngarap man baNa. [141†]

⁵Ialo-aloNdu kalak si meriah iakapna erbahan bujur, si tetap nginget uga nggeluh rikutken si ngena ateNdu. Merawa Kam man kami, tapi tetap ka nge kami erdosa.

⁶Kerina kami kalak perdosa, kiniulin kami pe melket nge kerina. Kami melus desken bulung-bulung si nartar, dosa kami ngkabangken kami desken angin meter.

⁷La lit kami si ertoto man baNdu, la lit si nggit njemak tanNdu. Sabap ayoNdu itutupiNdu nandangi kami, janah ipediatNdu kami ikuasai dosa kami.

⁸Tapi Kam kap Bapa kami, o TUHAN; kami taneh dah, janah desken sekalak pande kudin, itepandu kami.

⁹E maka ola min Kam nembehsa alu mesangat, dosa-dosa kami ola min lalap inget. Tataplah kami kerina, bangsaNdu kap kami enda.

¹⁰Kuta-kutaNdu si badia enggo bali ras taneh tenggiring, Jerusalem enggo runtuh janah enggo jadi melungen.

¹¹Rumah Pertoton si badia dingen mehuli, ingan ersembah nini-nini kami, enggo keri kal ipan api. Kerina ingan-ingan si mejile iakap kami enggo radas kal keri.

¹² TUHAN, tahan denga kin Kam ngidah si e kerina? Sinik saja kin ateNdu lalap, erbahanca ate kami tambah suina?