Read Batak Karo IMAMAT 12 Bible Online

IMAMAT 12 - Batak Karo bible

IMAMAT 12

¹Ibereken TUHAN man Musa peraturen-peraturen enda

²guna bangsa Israel. Adi sekalak pernanden mupus anak dilaki, diberu ndai la bersih pitu wari rikutken aturen agama, bali ras sanga nguda bulanna.

³Pewaluh wariken, anak ndai arus isunatken. [11†]

⁴Kenca bage telu puluh telu wari nari diberu ndai la bersih rikutken peraturen agama, seh darehna si ndarat enggo ngadi; sanga bage la banci ia ngkuit asa kai barang-barang si badia. Mengketi Kemah si badia pe ia la banci seh paksana ia enggo bersih rikutken aturen agama.

⁵Adi sekalak diberu mupus anak diberu, ia la bersih sepuluh empat wari rikutken aturen agama bali ras sanga nguda bulanna. Kenca bage enem puluh enem wari nari diberu e la bersih rikutken aturen agama, seh darehna si ndarat enggo ngadi.

⁶Kenca enggo seh paksana maka ia enggo bersih, subuk erkiteken mupus anak dilaki, ntah erkiteken mupus anak diberu, ibabana lah man imam ku pintun Kemah Perjumpan, sada biri-biri umur sada tahun man persembahen tutungen, ras sada ndukur ntah nderapati man persembahen pengalemi dosa.

⁷Imam mpersembahken persembahen diberu ndai man TUHAN ras ngelakoken pembersihen guna diberu ndai; kenca bage maka diberu ndai enggo bersih rikutken aturen agama. Enda me dage kai si arus ilakoken sekalak diberu kenca ia mupus.

⁸Adi diberu e la ngasup ngelitken biri-biri, babana lah dua ndukur ntah dua nderapati, sada man persembahen tutungen sada nari man persembahen nasapken dosa. Imam arus ngelakoken lakon pembersihen man diberu ndai. Kenca bage maka enggo bersih diberu ndai rikutken aturen agama. [12†]