Read Batak Karo IMAMAT 24 Bible Online

IMAMAT 24 - Batak Karo bible

IMAMAT 24

¹Isuruh TUHAN si Musa

²gelah ikatakenna man bangsa Israel peraturen-peraturen enda gelah ibabana minak saitun si mejilena guna lampu i Kemah Perjumpan, gelah banci tetap ratur ipegara.

³Isagani Harunlah lampu e tep-tep karaben, ras njaga gelah tetap gara ngayak pepagina ka. Lampu e itamaken i darat kire-kire e iadep-adepen TUHAN, i lebe-lebe ingan si badiana kal. Peraturen enda arus maka ipatuhi rasa lalap.

⁴Arus maka iurus Harun lampu si tangkena ibahan i bas emas murni e nari, dingen njagasa gelah tetap isagani alu ratur iadep-adepen TUHAN.

⁵Buat sepuluh dua kilo tepung, e maka bahan lah sepuluh dua ngkibul roti. [74†]

⁶Aturken i babo meja si ilapisi emas murni i lebe-lebe TUHAN jadi dua baris, maka enem-enem sada baris.

⁷Circir kumenen ku tep-tep baris, jadi sada tanda maka roti e persembahen pangan man TUHAN.

⁸Arus maka ipersembahken roti e iadep-adepen TUHAN tep-tep wari Sabat. Enda me tugas bangsa Israel asa lalap.

⁹Roti e jadi sikerajangen Harun ras kesusurenna, janah arus ipanna i bas ingan si badia, erkiteken bagin e badia kal sabap pangan e ibuat i bas bagin si ipersembahken man TUHAN guna imam-imam. [75†]

¹⁰ [10-11] Lit me sekalak dilaki; bapana kalak Mesir nandena kalak Israel, Selomit gelarna. Selomit ndai anak si Dibri i bas suku Dan nari. Dilaki enda ndai rubati ras sekalak bangsa israel i bas ingan erkemah. Sanga ia rubat isumpahina Dibata, e maka ibaba kalak ia ngadap man Musa.

¹²E maka ipenjaraken Musa ia, nimai kai nina TUHAN si arus ibahan man bana.

¹³Nina TUHAN man Musa,

¹⁴“Baba ia ku darat ingan erkemah. Tep-tep kalak si megisa ia numpahi gelar Dibata iamparkenna lah tanna i babo takal kalak enda guna naksiken maka payo ia ersalah. Kenca bage kerina perpulungen menterisa alu batu seh mate.

¹⁵E maka kataken lah man kalak Israel, maka kasa kalak si numpahi Dibata, la banci lang itanggungna upah perbahanenna e,

¹⁶e me kap ibunuh. Kalak Israel ntah bangsa si deban si numpahi Dibata, arus maka kerina perpulungen e menterisa alu batu ngayak mate.

¹⁷Ise munuh arus ibunuh. [76†]

¹⁸Ise munuh asuh-asuhen kalak, arus maka isambarina asuh-asuhen si mate e. Palasna e me kesah sambar kesah.

¹⁹Ise nakiti kalak si deban, bagi si ibahanna e ka ibahan man bana.

²⁰Adi ipenggelkenna sada tulan kalak tulanna pe arus ka ipenggelken sada. Adi pentang ibahanna sada mata kalak, ia pe arus ka ipentangken sada matana. Adi penggel ibahanna sada ipen kalak, ipenna pe arus ka ipenggelken sada. Kai gia ibahanna kecedan i bas kalak si deban arus maka ialoken ka mulihken man bana. [77†]

²¹Ise munuh asuh-asuhen arus maka isambarina e, tapi ise munuh jelma arus maka ia ibunuh.

²²Kerina kam arus patuh ngikutken undang-undang enda, subuk kalak Israel ntah pe bangsa si deban si tading i tengah-tengahndu, erkiteken Aku kap TUHAN Dibatandu.” [78†]

²³Kenca ikataken Musa enda ndai man bangsa Israel, ibaba kalak dilaki ndai ku darat ingan erkemah e, e maka ibenterina alu batu seh mate. Alu bage ilakoken bangsa Israel kai si iperentahken TUHAN arah Musa.