Read Batak Karo IMAMAT 8 Bible Online

IMAMAT 8 - Batak Karo bible

IMAMAT 8

¹Nina TUHAN man Musa,

²“Baba Harun ras anak-anakna ku pintun Kemah Perjumpan, baba pe paken imam-imam, minak penangkuhen, jenggi lembu nguda man persembahen kerna dosa, dua kambing, ras sada raga roti si la itama ragi.

³Kenca bage dilo kerina perpulungen ku je.”

⁴Ilakoken Musa bagi si iperentahken TUHAN. E maka kenca enggo pulung kerina perpulungen e,

⁵ngerana Musa man kalak e, “Kai si nandangi kubahan enda e me si enggo iperentahken TUHAN.”

⁶E maka ibabana Harun ras anak-anakna ku lebe jenari isuruhna ridi rikutken aturen agama.

⁷Kenca dung ridi, e maka ipakekenna baju, jubah ras selempang ku awak Harun. Ipakekenna ka pe man bana paken imam, jenari ibentingina alu gendit tenunen si mejile.

⁸Ipakekenna ka pe man bana lapis tenten, kenca bage itamakenna Urim ras Tumim i je.

⁹Ibulangina takalna alu bulang imam; arah lebe bulang ndai itamana perhiasen emas, cap si badia tanda penangkuhen, sue ras si iperentahken TUHAN.

¹⁰E maka ibuat Musa minak penangkuhen, itamakenna ku Kemah Perjumpan ras ku kerina si lit i bas. Alu bage itangkuhkenna kerinana gelah khusus ipake guna TUHAN.

¹¹Ibuatna sitik minak ndai, e maka ipirpirkenna pitu kali ku batar-batar ras perkekas-perkekasna, bage pe ku baskom rikut ras alasna, gelah ipake khusus man TUHAN.

¹²Itangkuhkenna Harun alu ncurcurken minak penangkuhen ndai ku takalna.

¹³Kenca bage maka ibaba Musa ka anak-anak Harun ku lebe. Ipakekenna man kalak enda baju ras selempang i bas awakna, janah ipakekenna tengkuluk ku takalna, sue ras si iperentahken TUHAN.

¹⁴Kenca bage ibaba Musa jenggi lembu nguda ndai man persembahen kerna dosa, e maka iamparken Harun ras anak-anakna tanna i babo takal lembu e.

¹⁵Jenari igeleh Musa lembu ndai, ibuatna sitik darehna, itamana ku tanduk batar-batar persembahen alu jari-jarina, nandaken maka e ipake man TUHAN. Lebihna iamburkenna ku teruh batar-batar persembahen. Bagenda me ibahanna ngendesken batar-batar e gelah khusus ipake guna TUHAN.

¹⁶E maka ibuat Musa kerina tabeh-tabeh si lit i bas beltek lembu e, bagin atena si mejilena, piahna ras tabeh-tabeh si lit i je, e maka itutungna kerina i babo batar-batar persembahen.

¹⁷Ibuatna bagin lembu si tading denga ikut pe ras kuling-kulingna, dagingna, tuka-tukana, jenari itutungna i darat ingan erkemah, sue ras si iperentahken TUHAN.

¹⁸Kenca bage ibaba Musa ka bajar biri-biri si jadi persembahen tutungen, e maka itamaken Harun ras anak-anakna tanna i babo takal biri-biri e.

¹⁹E maka igeleh Musa biri-biri e, darehna icurcurkenna ku empatna dingding batar-batar persembahen.

²⁰[20-21] Ilapahina biri-biri ndai, iburihina isi beltekna ras nahe pudina alu lau, e maka itutungna takalna, tabeh-tabehna, ras si debanna i babo batar-batar, sue ras si iperentahken TUHAN. Persembahen tutungen enda merim iakap TUHAN.

²²Kenca bage ibaba Musa bajar biri-biri si peduaken ndai, gunana e me man penangkuhen imam-imam. Harun ras anak-anakna namaken tanna i babo takal biri-biri ndai.

²³E maka igeleh Musa, ibuatna sitik darehna, itamakenna ku cuping Harun si kemuhen, ku kambal-kambal tanna si kemuhen, ras kambal-kambal nahena si kemuhen.

²⁴Kenca bage maka ibabana ka anak-anak Harun ku lebe; itamakenna sitik dareh ndai ku cupingna si kemuhen, ku kambal-kambal tanna si kemuhen, bage pe ku kambal-kambal nahena si kemuhen. Dareh si lebihna icurcurken Musa ku empatna dingding batar-batar e.

²⁵Ibuatna ka tabeh-tabehna, tabeh-tabeh ikurna, tabeh-tabeh si maluti isi beltekna, bagin atena si mejilena, piahna ras tabeh-tabeh si lit i je, bage pe nahe pudina si kemuhen.

²⁶Kenca bage ibuatna ka sada roti i bas raga ingan roti si la itama ragi ndai nari gunana khusus man TUHAN, bage pe sada roti si ibahan campur minak, ras roti menipes-nipes, jenari kerina e itamakenna i babo tabeh-tabeh ras nahe si kemuhen si arah pudi e.

²⁷Iamparkenna kerina pangan e ku tan Harun ras anak-anakna e maka ipersembahken kalak enda e jadi sada pemere khusus man TUHAN.

²⁸Kenca bage maka ibuat Musa pangan ndai i bas Harun ras anak-anakna nari, e maka itutungna i babo batar-batar, i babo persembahen tutungen ndai, jadi sada persembahen penangkuhen. Enda me persembahen pangan, janah bauna merim iakap TUHAN.

²⁹Kenca bage ibuat Musa tenten biri-biri ndai, ipersembahkenna jadi sada pemere si khusus man TUHAN. E me si jadi bagin Musa i bas bajar biri-biri penangkuhen e nari. Iban Musa kerina sue ras perentah TUHAN.

³⁰Ibuat Musa sitik minak penangkuhen ras dareh sitik i das batar-batar persembahen nari, jenari ipirpirkenna ku Harun ras anak-anakna ras ku paken kalak enda. Alu bage iserapkenna kalak enda ras pakenna guna dahin si khusus man TUHAN.

³¹Nina Musa man Harun ras man anak-anakna, “Baba daging e ku pintun Kemah Perjumpan, tasakken, e maka panlah i je ras roti si lit i bas raga persembahen penangkuhen e, sue ras si iperentahken TUHAN.

³²Iba-iba roti ras daging e tutung kerina.

³³La banci itadingkenndu pintun Kemah pitu wari dekahna, seh maka lakon penangkuhenndu enggo dung.

³⁴TUHAN merentahkenca kai si enggo ibahan i bas wari enda, guna nasapken dosa-dosandu.

³⁵Arus maka tetap kam tading i pintun Kemah Perjumpan e suari ras berngi pitu wari dekahna, ngelakoken kai si enggo iperentahken TUHAN. Adi lang, mate kam. Enda me kai si enggo iperentahken TUHAN man bangku.”

³⁶E maka Harun ras anak-anakna ngelakoken kerina si enggo iperentahken TUHAN erkelang-kelangken Musa.