Read Batak Karo JEREMIA 15 Bible Online

JEREMIA 15 - Batak Karo bible

JEREMIA 15

¹Kenca bage nina TUHAN man bangku, “Aminna pe Musa ras Samuel tedis mindo man bangKu, labo Kucidahken perkuah ateKu man bangsa enda. Suruh bangsa enda lawes. Pelawes ia i bas adep-adepenKu nari. [19†]

²Kune isungkunna kam ku ja lawes, kataken man bana katangKu enda: Kalak si mate erkiteken penakit, ku je me perlawesna! Kalak si mate i bas perang, ku je me perlawesna! Kalak si mate erkiteken kelihen, ku je me perlawesna! Si debanna kalak si iangkut jadi tabanen, ku je me perlawesna. [20†]

³Aku TUHAN enggo netapken ukumen si empat e man bangsa enda, e me: mate ibahan perang, maitna isaren-saren biang; perik-perik manganisa, si tadingna itelen rubia-rubia si meliar.

⁴Gentar Kubahan bangsa-bangsa doni enda ngenehen kalak enda, erkiteken kai si ibahan Manase anak Hiskia i Jerusalem tupung ia jadi raja Juda.” [21†]

⁵Nina TUHAN, “O kalak Jerusalem, ise kin rate mekuah man bandu? Ise kin rate ceda kerna kam? Ise kin si reh singgah nungkun entah mejuah-juah kin kam?

⁶Kam enggo nulak Aku enggo itundalkenndu. E maka Kudadaken tanKu, Kuripukken kam, sabap enggo latih Kuakap nahan-nahan rawangKu.

⁷I bas tep-tep kuta i negeri enda, Kupiari kam desken segal. O bangsangKu, Kukernepken kam, Kubunuhi anak-anakndu, erkiteken lalap kam la ngadi ndalanken si jahat.

⁸Diberu balu-balu i negeri enda teremen asangken kersik i tepi lawit. Anak perana Kubunuhi tupung paksana ia megegeh. Kubahan maka mesui ate nandena. Rempet ia Kupekpek alu ceda ate ras kebiaren.

⁹Pernanden si kebenen pitu anak enggo terketes, mengkap-engkap kesahna. Warina si terang enggo salih jadi gelap, bene kemulianna dingen mesui atena. Kalak si tading denga Kusuruh ibunuhi imbang-imbangna Aku TUHAN kap si melasken kata enda.”

¹⁰Andiko suina ateku! Engkai maka ipupus nandengku aku? Aku terpaksa erjengil dingen ersual ras kerina kalak i bas negeri enda. La pernah ipinjam kalak duitku dingen ngeraih pe aku labo pernah, tapi kerina kalak numpahi aku.

¹¹O TUHAN, jadilah bagi si isumpahkenna e, adi la tuhu kusembah Kam alu mehuli, adi la kin kutotoken sikerajangen imbang-imbangku tupung ia i bas kiniseran ras sangana itindih. (

¹²La lit kalak si ngasup menggelken besi, terlebih-lebih besi campur tembaga i Utara nari.)

¹³Nina TUHAN, “Kusuruh imbang-imbangndu ngerampas kebayaken ras simpanen bangsangKu, lako ngukum ia erkiteken dosa-dosa si ibahanna i belang-belang negeri e.

¹⁴Kubahan maka ia erdahin guna musuh-musuhna i bas negeri si la itandaina, sabap rawangKu gurlah bagi api dingen rasa lalap la nimpet-nimpet.”

¹⁵Ningku, “O TUHAN, itehNdu kap! Inget min aku, sampati aku. Erbalaslah man gunangku nandangi kalak singayak-ngayak aku. Ola sabari baNdu nandangi kalak e gelah ola seh sura-surana munuh aku. Inget min maka erkiteken Kam nge maka aku iuru-uru kalak.

¹⁶Ngerana Kam kempak aku, megermet pemegikenku tep-tep kata. O TUHAN Dibata si Erdolat, sikerajangenNdu kap aku, dingen kataNdu kap si ndemi pusuhku salu keriahen ras kemalemen ate.

¹⁷La kubuang-buang waktungku ras kalak si deban, tawa-tawa ersenang-senang. Patuh aku nandangi aturenNdu, janah erkiteken si e kelungunen aku, dingen pusuhku dem alu nembeh ate.

¹⁸Engkai maka lalap aku i bas kiniseran? Engkai maka ugahku lalap la terpepalem? Engkai maka la ia malem? Atendu kin erbahanca kitik ukurku, desken lau anak si kerah tupung paksa perlego?”

¹⁹Kerna si e ngaloi TUHAN nina, “Adi mulihken kam, Kualoken denga kam, dingen kam jadi suruh-suruhenKu mulihi. Adi lanai ibelaskenndu cakap si sia-sia, tapi erguna, jadi nabingKu ka kam mulihi. Reh me bangsa e mulihi ku kam, janah labo pada kam ndahi ia.

²⁰Kubahan kam bali ras tembok tembaga nandangi ia. Iperangna kam tapi la tertalukenca. Aku kap ras kam, mulahi kam dingen engkawali kam.

²¹Kupulahi kam i bas kuasa kalak jahat si merawa man bandu. Aku kap TUHAN si melasken kata enda.”