Read Batak Karo JEREMIA 16 Bible Online

JEREMIA 16 - Batak Karo bible

JEREMIA 16

¹Ikataken TUHAN tole rananNa man bangku nina,

²“Ola kam erjabu entah mupus i bas ingan enda.

³Kukataken man bandu kai si nandangi jadi man anak-anak si tubuh i jenda ras orang tuana.

⁴Mate me ia erkiteken penakit si mekelek janah la lit si ngandungisa,la lit si ngkuburkenca, maitna ampar-ampar desken sampah ergun-gun. Mate ia erkiteken perang ras kelihen, badanna ipangani perik-perik ras rubia-rubia.

⁵La kam banci bengket ku bas rumah kalak si erceda ate. Ola rate ceda ntah ngandung ras ise pe. Dame kubuat i bas bangsangKu nari. Keleng ateKu ras perkuah ateKu lanai Kucidahken man bana.

⁶Kalak bayak ras kalak musil mate i bas negeri enda. La lit kalak si ngkuburken tah pe ngandungisa. La lit kalak si nggunting buk takalna lako encidahken atena ceda.

⁷La lit kalak man ras minem lako ngapuli kalak kune pe si ikelengina mate. La lit kalak si encidahken ikut rate ceda aminna pe kalak kebenen nande entah bapa.

⁸Ola kam bengket ku rumah kalak si erpesta. Ola kam kundul man minem ras ia.

⁹Dengkehkenlah kai si Kukataken, TUHAN si Erdolat, Dibata nu Israel. Kupengadi me sora-sora keriahen, kesenangen ras kemalemen ate i bas kerja erdemu bayu nari. Sanga nggeluh denga kalak enda idahna me kai si nandangi jadi. [22†]

¹⁰Tupung iturikenndu enda kerina man bana, isungkunna me kam ngkai maka enggo Kutetapken ngukum ia bage kelekna. Isungkunna me kejahaten ras dosa kai kin si enggo ilakokenna nandangi TUHAN Dibatana.

¹¹Kataken man bana maka TUHAN ngatakenca, ‘Nini-ninindu, enggo nundalken Aku, jenari nembah dingen iperbudakkenna bana man dibata-dibata si deban. Itadingkenna Aku dingen la ikutkenna ajarKu.

¹²Tapi kam enggo ilakokenndu terjahaten asangken nini-ninindu. Kerina kam kalak jahat dingen mekeng, la ibegikenndu Aku.

¹³E maka Kukencahken kam ndarat i bas negeri enda nari, ku negeri si langa pernah nini-ninindu ras kam metehsa. I je banci isembahndu dibata-dibata si deban suari ras berngi, janah la Kucidahken perkuah ateKu maka malem atendu.’ ”

¹⁴Nina TUHAN, “Seh me paksana maka lanai kalak ersumpah i bas gelarKu alu ngataken, “Ibas gelar Dibata si nggeluh si maba Israel ndarat i negeri Mesir nari.”

¹⁵Tapi ersumpah ia i bas gelarKu, e me kap Dibata si nggeluh, si maba kalak Israel ndarat i bas negeri i Utara nari, dingen i bas negeri-negeri si deban nari, ku ja ia enggo Kukerapken. Sabap Kubaba me ia mulih ku negerina jine, ku negeri si enggo Kubereken man nini-ninina. Aku TUHAN si enggo melasken kata enda.”

¹⁶Nina TUHAN, “Kusuruh me reh nterem penjala nurung nangkapi bangsa enda. Kenca bage Kusuruh nterem perburu gelah iburuina kalak enda ku datas deleng-deleng, ku uruk-uruk dingen ku kelang-kelang batu mbelin.

¹⁷Kuidah kai pe si ilakokenna. La lit si terligen man bangKu. Dosa-dosana la banci pulah i bas pengidahKu nari.

¹⁸Kubahan maka igalarina dua kali lipat dosa-dosana ras kejahatenna. Perbahan enggo iliamina negeringKu salu gana-gana si la erkesah desken bangke, dingen enggo idemina negeringKu salu dibata-dibata si la tuhu.”

¹⁹O TUHAN, Kam kap kecionku, si mereken gegeh man bangku. Tupung aku i bas kiniseran isampatiNdu aku. Bangsa-bangsa i tampuk doni nari reh me, jenari nina, “Sikerajangen nini kami dibata-dibata si la tuhu kap ngenca. La lit si deban seakatan gana-gana si la lit gunana.

²⁰Banci kin jelma erbahan dibatana jine? Lang me! Kune ibahanna pe, labo e dibata.”

²¹Nina TUHAN, “E maka sekali seh rasa lalap, Kubahan maka ieteh bangsa-bangsa kuasa ras gegehKu. Je maka ietehna maka Aku kap TUHAN.”