Read Batak Karo JEREMIA 37 Bible Online

JEREMIA 37 - Batak Karo bible

JEREMIA 37

¹Nebukadnesar raja Babilon mahanca Sedekia anak si Josia raja Juda, nggancihken Raja Joyakin anak si Joyakim. [68†]

²Tapi subuk Sedekia, pegawai-pegawaina bage pe bangsa e, sada pe la nggit ngikutken kata si enggo ibereken TUHAN man bangku.

³Isuruh Sedekia si Jehukal anak Selemia ras Imam Sepanya anak si Maaseya mindo gelah ertoto aku man TUHAN Dibata kami guna kami.

⁴Tupung e aku langa ipenjaraken tapi bebas denga i tengah-tengah bangsa e.

⁵Tentera Babilon enggo ngkepung Jerusalem, tapi tupung ietehna maka tentera Mesir enggo ngepari perbalengen Mesir, e maka mundur ia.

⁶ TUHAN Dibata nu Israel nuruh aku

⁷melasken kata enda man Sedekia, “Tentera Mesir sangana i bas perdalanen lako nampati kam, tapi mulihken denga ia ku Mesir.

⁸E maka reh ka tentera Babilon, iperangna kuta enda, irebutna jenari icilukna.

⁹Aku TUHAN mpersingeti kam maka ola ibualindu bandu alu ngataken maka tentera Babilon lanai bo reh.

¹⁰Aminna pe kerina tentera Babilon italukenndu dingen si luka-luka nari ngenca tading i bas kemahna, tapi keke denga nge ia jenari icilukna kuta enda seh rata ras taneh.”

¹¹Tentera Babilon mundur i Jerusalem nari sabap tentera Mesir enggo erdeherna.

¹²E maka kutadingken Jerusalem guna lawes ku daerah Benyamin muat erta tading-tadingen keluargangku.

¹³Tapi kenca aku seh i Pintu Gerbang Benyamin, i je kapten tentera si erjaga e me Jeria anak si Selemia kempu si Hanania. Itahanna aku jenari nina, “Lompat atendu man kalak Babilon!”

¹⁴Ningku ngaloisa, “Labo! Labo aku lompat.” Tapi la aku ibegiken si Jeria. Itangkapna aku jenari ibabana ngadap si erkuasa.

¹⁵Merawa kal kalak e man bangku. E maka isuruhna kalak ngeligasi aku, ikurungna aku i bas rumah Jonatan, sekretaris kerajan. Rumahna e enggo ijadiken penjara.

¹⁶Itamakenna aku i bas kamar tahanen teruh taneh janah ndekah kal aku i je.

¹⁷Dungna isuruh Raja Sedekia kalak ngelegi aku dingen i jah i bas istana e alu ise pe la lit si metehsa isungkunna aku nina, “Lit kang kata i bas Dibata nari?” Ningku enjabapsa, “Lit!” “Nandangi iendesken me kam ku bas kuasa raja Babilon!”

¹⁸Kenca bage nungkun aku ningku, “Kai kin kejahatenku man bandu ras man pegawai-pegawaindu ras man bangsa enda maka aku ipenjarakenndu?

¹⁹Kai kin jadina nandangi nabi-nabindu si ngatakenca man bandu maka raja Babilon la reh nerang kam ras negeri enda?

²⁰E maka genduari, o Raja, kupindo man bandu gelah ibegikenndu aku janah nehken pemindonku man bandu. Olanai min aku iulihkenndu ku penjara rumah si Jonatan. Adi iulihkenndu, ugapa pe mate aku i jah.”

²¹E maka isuruh Raja Sedekia aku ipenjaraken i kesain pengawal istana. I jah me aku tading. Tep-tep wari ibereken man bangku sada roti i bas tukang roti nari, seh ngayak keri roti i kuta e.