Read Batak Karo JEREMIA 43 Bible Online

JEREMIA 43 - Batak Karo bible

JEREMIA 43

¹Enggo kenca dung kuturiken man bangsa e kerina kata si isuruh TUHAN Dibatana man bangsa e,

²Asaria anak Hosaya, Johanan anak Kareah ras kerina kalak megombang si debanna ngerana man bangku nina, “Kam perguak! TUHAN Dibata kami labo nuruh kam ngatakenca maka kami ola nadingken negeri enda lako tading i Mesir.

³Enggo kam iatur Baruh anak si Neria lako ngelawan kami, gelah tambah-tambah kuasa kalak Babilon man kami jenari ibunuhna kami dingen iangkutna ku Babilon.”

⁴E maka Johanan, kerina puanglima tentera ras kerina bangsa e la ngikutken perentah TUHAN lako tetap tading i negeri Juda.

⁵E maka Johanan ras kerina puanglima tentera si deban ngangkut ku Mesir asa kalak si tading denga i Juda radu ras kerina kalak si enggo mulih i bas bangsa-bangsa inganna ndube ikerapken [72†]

⁶subuk dilaki, diberu, anak-anak ras putri-putri raja. Kerina kalak si enggo itadingken puanglima Nebusaradan iteruh kuasa Gedalya. Aku pe ikut ras Baruh.

⁷La ia patuh man perentah TUHAN e maka lawes ia kerina ku Mesir seh ngayak kuta Tahpanhes.

⁸I jah nina TUHAN man bangku,

⁹“Buat batu galang jenari tanemken i bas taneh dah, i lebe-lebe gedung pemerentah i Tahpanhes enda janah suruh kalak Israel ngenen si ibahanndu.

¹⁰Kenca bage kataken man bana, maka Aku TUHAN si Mada Kuasa, Dibata nu Israel, ateku ngelegi suruh-suruhenKu Raja Nebukadnesar i Babilon nari ku ingan enda. Itamakenna me kursi kinirajanna i babo batu-batu si itanemndu enda. Ikimbangkenna me kemah kerajan i babona.

¹¹Nebukadnesar la banci lang reh me naluken Mesir. Kalak si enggo itetapken mate i bas penakit mate me ibahan penakit, kalak si enggo itetapken itaban, itaban me. Kalak si enggo itetapken mate i bas perang, mate me i bas perang.

¹²Kuciluk me rumah-rumah persembahen dibata-dibata Mesir. Iciluk raja Babilon me gana-ganana entah pe ibabana. Bali ras permakan ngagui tuma i bas uisna nari bage me raja Babilon mbersihken negeri enda jenari lawes i bas kemenangen.

¹³Iruntuhkenna me tugu-tugu batu si i Heliopolis i Mesir dingen icilukna maka meruntuh rumah-rumah persembahen gana-gana Mesir.”