Read Batak Karo JEREMIA 6 Bible Online

JEREMIA 6 - Batak Karo bible

JEREMIA 6

¹O kalak Benyamin lompatlah gelah kam terkelin, kiamlah i Jerusalem nari! Embuslah terompet i Tekoa, jenari pegara api jadi tanda i Bet-Hakerem. Nandangi reh me cilaka ras mara i Utara nari.

²Kuta Sion si mejile e nandangi ikernepken me.

³Bagi permakan ras rarasenna bage me raja-raja erkemah i je ras tenterana. Ipajekkenna kemahna i sekelewet kuta e. Tep-tep kalak rate-ate i ja atena ipajekkenna kemahna.

⁴Nina, “Ersikaplah merang Jerusalem! Ersikaplah! Seranglah tupung pantek ciger.” Tapi nina ka, “Enggo melawenca, sabap wari enggo nandangi ben, dingen awih-awih enggo reh gedangna.

⁵Berngi saja gia siserang; siradasken benteng-benteng kutana.”

⁶ TUHAN si Mada Kuasa si merentahken raja-raja gelah nabah batang-batang kayu dingen pegun-gun taneh jadi benteng Jerusalem. Nina, “Kuukum me kuta e erkiteken dem i je penindasen.

⁷Desken sumbul pedarat lau malem, bage me ia pedarat kejahatenna. Kubegi kekejamen ras kecedaan i bas kuta e. Penakit, ugah, e me kerina si Kuidah i je.

⁸O kalak Jerusalem bahan kerina kesusahen e jadi pelajaren man bandu, adi lang Kutundalken me kam. Kusalihken kuta e jadi taneh si melungen, la lit sekalak manusia pe ringan i je.”

⁹Nina TUHAN si Mada Kuasa man bangku, “Nandangi ipelinang me Israel, bali ras batang anggur si enggo keri buahna iputiki.” E maka arus ipulahindu kerina kalak si banci ipulahindu tupung lit denga kesempaten.”

¹⁰Ningku njabapsa, “Ise kin megiken aku adi aku ngerana persingeti ia? Mekengsa pusuhna, labo ia ngasup megiken tenahNdu. Itawaina aku adi kubelasken kataNdu.

¹¹Pernembeh ateNdu man bangsa e, gara ka nge i bas pusuhku pe. E maka lanai tertahanken aku.” Kenca bage nina TUHAN, “Amburken pernembehKu ku babo anak-anak i bas gedang-gedang dalan, ras ku babo perpulungen anak perana. Perbulangen ras ndehara la banci la iangkut. Kalak si enggo metua kal pe labo tading.

¹²Rumahna, ndeharana, jumana ibereken man kalak. Kuukum ateKu penduduk negeri enda. [7†]

¹³Kerina kalak, subuk mbelin ras kitik, ndarami duit alu dalan si la bujur. Subuk nabi bage pe imam kerina nipu jelma si nterem.

¹⁴Perbahanenna encidahken tempa-tempa ugah bangsangKu labo mekelek. ‘Dame’ nina, tapi si tuhuna labo lit dame. [8†]

¹⁵Aturenna mela iakapna ngelakoken perbahanen si mbau e, kepeken labo iakapna mela. Sitik pe la ietehna mela. E maka guling ia bagi perguling kalak si deban. Adi Kuukum ia e maka enggo dung kal ia. Aku TUHAN kap si ngerana.”

¹⁶Nina TUHAN kempak bangsaNa, “Tedislah i bas serpang-serpang jenari nehenlah. Daramilah dalan si nai, dalan si mehulina kal. Arah e lah erdalan, e maka dame man bandu.” Tapi nina njabapsa, “Lang! Kami la nggit!” [9†]

¹⁷E maka itugasken TUHAN penjaga-jaga lako megiken sora terompet tanda persinget. Tapi nina kalak e, “La ate kami ibegiken kami.”

¹⁸Kenca bage ngerana TUHAN nina, “O bangsa-bangsa, erlajar kerna kai si jadi man bangsangKu.

¹⁹O pertibi, dengkehkenlah! Kuukum me bangsangKu, erkiteken kerina sura-surana. Kuruntuhken me bangsa enda, erkiteken enggo itulakna pengajarenKu, janah la iikutkenna katangKu.

²⁰Kai kin gunana man bangKu si merim-merim si ibaba i Syeba nari! Man kadengKu kin rempah-rempah si ibabana i bas negeri si ndauh nari? La Kualoken persembahenna, la ngena ateKu persembahen tutungen.

²¹E maka Kubahan bangsa enda terantuk dingen guling. Parang-mbelin ras anakna, teman-teman ras anak kutana la banci lang mate kerina.”

²²Nina TUHAN, “Bangsa si megegeh sangana reh i Utara nari. Erperang atena.

²³Senjatana panah ras lembing; bangsa e kejam janah la meteh mekuah. Bali ras pergeruhguh lau lawit bage me sora nahe kudana; irattuhna ku Jerusalem lako nerangsa.”

²⁴Megi berita e nggirgir kalak Jerusalem. Perban biarna mesui akapna bagi persuina iakap diberu si nandangi mupus.

²⁵La ia pang ndarat ntah ku juma, sabap i japa pe musuh erbahan kebiaren.

²⁶Nina TUHAN man bangsaNa, “Uisken uis guni janah erguling-gulinglah i bas abu. Cedalah atendu dingen serkolah bagi kalak si nangisi kematen anakna si tonggal, sabap rempet me reh si engkernepi.

²⁷E maka nina TUHAN man Jeremia, “Ujilah bangsangKu bali ras tukang nguji logam. Perdiatekenlah lagu langkahna.

²⁸Kerina ia pemberontak, metangkang, piher bagi tembaga ras besi. Pertaki pacik ia, dingen erdalan-dalan ku jah ku jenda lako pebau-bau kalak.

²⁹Logam enggo iuji seh melebur, tapi melketna lalap la bene. Percuma bangsangKu terus iuji gelah tulen, sabap kalak jahat lalap la tersirangken i bas ia nari.

³⁰Pirak si la terpake me ibahan gelarna, sabap Aku TUHAN enggo ngambengken ia.”