Read Batak Karo JEREMIA 8 Bible Online

JEREMIA 8 - Batak Karo bible

JEREMIA 8

¹I bas paksa si e, ipedarat kalak me i bas kuburenna nari kerina tulan raja-raja Juda, tulan pegawaina, tulan imam-imamna, tulan nabi-nabi, ras kerina tulan kalak si ringan i Jerusalem.

²Kerina tulan-tulan e lanai ipepulung, lanai ikuburken, tapi marpar-merap bagi sampah-sampah i babo taneh, i teruh matawari, bulan ras bintang-bintang, si nai ikelengi, itami-tami ras isembah bangsa enda.

³Janah kerina kalak si tading denga ibas bangsa si jahat enda, madin iakapna mate asangken nggeluh i bas ingan i ja ia Kukerapken. Aku, TUHAN si Mada Kuasa enggo ngerana.”

⁴Isuruh TUHAN aku melasken kata enda kempak bangsaNa, “Adi guling sekalak jelma lanai kin ia keke mulihi? Adi sekalak jelma papak lanai kin ia mulihken?

⁵Dage ngkai maka bangsangKu kenca ia erkusur nadingken Aku, lanai mulihken? Leket ukurndu kempak gana-ganandu, e maka la atendu mulihken man bangKu.

⁶Megermet Kubegiken, tapi la kam ngerana kerna si bujur. Sekalak pe kam la lit erkadiola kerna kejahatenndu; ise pe kam la lit nungkun, ‘Kesalahen kai kin si enggo kubahan?’ Sekalak-sekalak ndalani dalanna desken kuda kiam ku peperangen.

⁷Perik ondan pe ietehna katawari paksana mulih; nderapati ras kalimpines tehsa katawari paksana miser, tapi kam o bangsangKu la itehndu undang-undang TUHAN.

⁸Uga banci maka nindu kam pentar, dingen itehndu undang-undangKu? Nehenlah, undang-undang enggo iganti kalak si beluh nuratken undang-undang.

⁹Kalak pentar si lit i bas kam enggo juru, sengget dingen kena siding. Enggo itulakna katangKu. Kepentaren si kuga kin kepentarenna e genduari?

¹⁰Dage Kubereken me ndeharana man kalak si mbaru reh, erkiteken kerina kalak subuk i bas si kitikna nari terus ku si mbelinna, kerina encari arah dalan si la bujur. Sabap subuk imam-imam bage pe nabi-nabi kerina nipu bangsa e. [15†]

¹¹Ibahanna tempa-tempa penakit bangsangKu la mekelek. ‘Dame’ nina ia situhuna la bo dame. [16†]

¹²Erkiteken ilakokenna perbahanen si macik e kin maka mela akapndu? Lang! La sitik pe ietehndu mela, ayondu pe la sambar. E maka guling kam bagi kalak si deban. Tupung Kuukum kam, e me pengkeri-kerin geluhndu. Aku TUHAN kap si ngerana.

¹³Kupepulung ateKu bangsangKu desken sekalak pepulung ulih peranin; tapi bangsangKu bali ras batang anggur si la erbuah, desken batang ara si la erbuah, bulungna pe enggo melus. E maka Kupelepas bangsa si deban engkuasai negeri e.”

¹⁴Nina bangsa Dibata, “Engkai maka kita kundul saja? Ota kiam kita ku kuta-kuta si erbenteng janah i jah me kita mate. Sabap TUHAN Dibatanta enggo mereken ukumen man banta. Enggo iberekenNa racun man inementa, erkiteken dosa-dosanta man baNa.

¹⁵Siarapken lit dame ras paksa juah-juahen tapi kebiaren kap si jadi.

¹⁶Imbang-imbangta enggo seh i kuta Dan. Sora kudana ngengkus enggo terbegi. Kerina negeri-negeri nggirgir tupung kudana erngih-ngih. Imbang-imbangta enggo reh ngkernepken negerinta dingen kerina si lit i je, subuk kuta-kutana bage pe kalak si ringan i je.”

¹⁷“Jagalah!” nina TUHAN, “Kusuruh nipe ku tengah-tengahndu, nipe si erbisa si la terpelemuk, janah itagutina kam.”

¹⁸Ceda ateku la tertambari, mesui kal pusuhku. Dengkehkenlah! I negeri si ndauh nari, kubegi sora bangsangku tangis.

¹⁹“Lanai kin TUHAN i Sion? Lanai kin i jah raja Sion?” Ngaloi TUHAN, Rajana nina, “Engkai kin maka ilegindu rawangKu alu nembah man dibata-dibatandu, dingen erjimpuh man dibata si deban si sia-sia?”

²⁰Serko bangsa e nina, “Paksa perudan enggo lepas, paksa rani enggo seh, tapi kami lalap la isampati.”

²¹Getem kal pusuhku erkiteken bangsangku enggo getem. Ceda ateku; sengget kal aku.

²²La kin lit tambar i Gileat? La kin lit i jah dokter? Dage ngkai maka bangsangku la itambari?