Read Batak Karo ESEKIEL 15 Bible Online

ESEKIEL 15 - Batak Karo bible

ESEKIEL 15

¹Kata TUHAN seh man bangku nina,

²“O manusia si ermasap-masap, lit kin kelebihenna kayu batang anggur i bas kayu-kayu si deban si seri buahna ras anggur?

³Terpake kin akapndu kayuna e jadi sangketen kailah gia?

⁴Kayu batang anggur jadi ranting ngenca lakonna. Janah adi ujung-ujungna enggo meseng, i tengah enggo raci, banci denga kin jadi kailah gia?

⁵Ope denga meseng pe la erguna, apai denga ka kenca meseng dingen raci, tentu lebih la erguna ka.”

⁶Genduari bagenda nina TUHAN si Erdolat, “Bali ras sada batang anggur si ibuat i bas kerangen nari jenari iciluk, bage me kalak si ringan i Jerusalem kubuat,

⁷jenari Kuukum. Aminna pe enggo pulah ia i bas api nari, genduari alu api ka nge ia ikernepken. Kenca Kuukum ia, ietehndu me maka Aku kap TUHAN.

⁸Kalak e lanai erkemalangen man bangKu, e maka negeri e Kubahan jadi taneh si terulang.” Bage nina TUHAN si Erdolat.