Read Batak Karo ESEKIEL 25 Bible Online

ESEKIEL 25 - Batak Karo bible

ESEKIEL 25

¹Kata TUHAN seh man bangku, [46†]

²nina, “O manusia si ermasap-masap, sumpahilah negeri Amon.

³Suruh ia megiken katangKu, Aku TUHAN si Erdolat. Senang kal ukurndu ngidah Rumah PertotonKu iliami, ngidah Israel ikernepken, ras kalak Juda ibaba ku pembuangen.

⁴Erkiteken meriah iakapndu, Kupelepas suku-suku si ringan i gurun pasir si arah Timur naluken kam. Ipajekkenna pagi perkemahenna i bas negerindu, jenari i je me ia ringan. Ipanna buah kayundu dingen iinemna susu si aturenna kin sikerajangenndu.

⁵Kusalihken kuta Rabba jadi karang unta, janah kerina mbalmbal Amon man ingan ngasuhi biri-biri, gelah itehndu maka Aku kap TUHAN.”

⁶Nina TUHAN si Erdolat ka tole, “Ertepuk-tepuk dingenndu ersurak-surak alu meriah. Megombang kam man negeri Israel.

⁷Erkiteken bage perbanndu, Kuendesken me kam man bangsa-bangsa si deban, si ngerampuki ras ngerampasi erta-ertandu. Kukernepken me kam seh radas kerina, seh maka kam lanai igelari sada bangsa, janah negerindu pe lanai lit. Kenca bage itehndu me maka Aku kap TUHAN.”

⁸Nina TUHAN si Erdolat, “Erkiteken ikataken Moap maka Juda bali nge ras bangsa-bangsa si deban, [47†]

⁹e maka Kupelepas kuta-kuta si ngampang-ngampangi perbalengen Moap iserang, subuk pe kuta-kuta si mejilena kal, e me Bet-Jesimot, Baal Meon, ras Kiryataim.

¹⁰Kupelepas suku-suku si ringan i gurun pasir si arah timur naluken Moap, radu ras Amon, seh maka Moap lanai igelari sada bangsa.

¹¹Kuukum me Moap, maka itehna maka Aku kap TUHAN.”

¹²Nina TUHAN si Erdolat, “Alu kejam erbalas Edom kempak Juda, janah pembalasen e mahanca Edom ersalah seh rasa lalap. [48†]

¹³Genduari Kupebetehken maka Kuukum me Edom dingen Kubunuh kerina dilaki ras asuh-asuhen si lit i je. Kubahan negeri e jadi terulang, mulai i kuta Teman nari seh ku kuta Dedan, janah rayatna keri mate i bas perang.

¹⁴Aku erbalas kempak Edom alu make Israel, bangsangKu, maka inanamina uga sangatna pernembeh ateKu. Iteh Edom me uga pagitna nanam pembalasenKu. Bagenda me nina TUHAN si Erdolat.”

¹⁵Nina TUHAN si Erdolat, “Kalak Pilisti enggo erbalas alu kejam nandangi musuh-musuhna turun temurun, janah ikernepkenna kal asa puasna iakapna. [49†]

¹⁶Erkiteken si e genduari Kupebetehken maka Kuserang me kalak Pilisti jenari Kusasapken kerina. Kasa kalak si tading denga si ringan i Kendit Pilisti, Kukernepken kerina.

¹⁷Kuukum alu mesangat janah erbalas Aku man bana seh puas. Inanamina me uga pernembeh ateKu. Kenca bage itehna me maka Aku kap TUHAN.”