Read Batak Karo HOSEA 3 Bible Online

HOSEA 3 - Batak Karo bible

HOSEA 3

¹Nina TUHAN man bangku, “To, kelengilah sekali nari diberu si enggo erlagu la mehuli ras dilaki si ngena atena. Arus ikelengindu ia bagi Aku engkelengi bangsa Israel denga, aminna pe enggo ia nilah kempak dibata-dibata si deban, janah pet kal ia man buah anggur si enggo ikerahken, si ipersembahken man berhala-berhala.”

²E maka kubuat diberu ndai alu nggalari tukurna sepuluh lima duit pirak ras 150 kilo gandum.

³Kukataken man bana maka itimaina aku ndekah sitik alu la erlua-lua tah pe erlagu la mehuli; janah kidekah si e aku pe arus nimai ia.

⁴Bage ka me pe maka bangsa Israel arus ndekah la er-raja tah pe erpeminpin, la erbahan persembahen, la lit binangun batu sembah-sembahenna, la erberhala-berhala, la lit gana-gana si ipake man sungkun-sungkunenna.

⁵Tapi paksana la banci la reh, i ja sekali nari bangsa Israel mulih kempak TUHAN Dibatana, ras kempak kesusuren Daud, rajana e. Kenca bage maka erkemalangen ia kempak TUHAN, tama kiniulin man bana.