Read Batak Karo BILANGEN 2 Bible Online

BILANGEN 2 - Batak Karo bible

BILANGEN 2

¹ TUHAN mereken pedah-pedah man Musa ras Harun bagi si tersurat i jenda.

²Adi bangsa Israel majekken kemahna i bas sada ingan, sekalak-sekalak arus majekken kemahna i teruh panji perpulungen ras bendera si sada nini. Ingan erkemah e arus ibahan i sekelewet Kemah Perjumpan e.

³ [3-9] Arah Timur, kalak si i teruh panji perpulungen Juda erkemah i bas terpukna. Gelar-gelar peminpinna e me kap: [Suku:] — [Gelar peminpin:] — [Teremna:] Juda — Nahason anak Aminadap — 74.600 Isakar — Netanel anak Suar — 54.400 Sebulon — Eliap anak Helon — 57.400 — Jumlah: — 186.400 Perpulungen Juda arus erdalan arah lebe.

¹⁰ [10-16] Arah Selatan, kalak si i teruh bendera perpulungen Ruben erkemah i bas terpuk-terpukna. Gelar-gelar peminpinna e me kap: [Suku:] — [Gelar peminpin:] — [Teremna:] Ruben — Elisur anak Sedeur — 46.500 Simeon — Selumiel anak Surisaddai — 59.300 Gat — Eliasap anak Rehuel — 45.650 — Jumlah: — 151.450 Perpulungen Ruben arus erdalan i bas uruten si peduaken.

¹⁷Kenca bage, kelang-kelang perpulungen si dua si arah lebe e ras si dua si arah pudi, kalak Lewi arus erdalan maba Kemah e. Tep-tep perpulungen arus erdalan rikutken uruten inganna erkemah janah sada-sada perpulungen erdalan i teruh benderana.

¹⁸ [18-24] Arah Barat, kalak si i teruh bendera perpulungen Eperaim erkemah i bas terpukna. Gelar-gelar peminpinna, e me kap: [Suku:] — [Gelar peminpin:] — [Teremna:] Eperaim — Elisama anak Ammihut — 40.500 Manase — Gamaliel anak Pedasur — 32.200 Benyamin — Abidan anak Gideoni — 35.400 — Jumlah: — 108.100 Perpulungen Eperaim arus erdalan i bas uruten si peteluken.

²⁵ [25-31] Arah Utara, kalak si i teruh bendera perpulungen Dan erkemah i bas terpukna. Gelar-gelar peminpinna e me kap: [Suku:] — [Gelar peminpin:] — [Teremna:] Dan — Ahieser anak Ammisaddai — 62.700 Aser — Pagiel anak Ohran — 41.500 Naptali — Ahira anak Enan — 53.400 — Jumlah: — 157.600 Perpulungen Dan arus erdalan arah pudi.

³²Teremna kalak Israel si isuratken i bas perpulungen-perpulungen e, rikutken terpuk-terpukna e me kap 603.550 kalak.

³³Bagi ipedahken TUHAN man Musa, suku Lewi la ikut isuratken ras suku Israel si debanna.

³⁴Ilakoken kalak Israel me asa kai si enggo ipedahken TUHAN man Musa. Erkemah ia kerina, sekalak-sekalak i teruh benderana, janah erdalan sekalak-sekalak ras senina-seninana si sada nini.