Read Batak Karo BILANGEN 25 Bible Online

BILANGEN 25 - Batak Karo bible

BILANGEN 25

¹Asum bangsa Israel erkemah i Sitim, dilaki kalak Israel enggo mulai erlua-lua ras diberu-diberu bangsa Moap si i je.

²Iundang diberu-diberu enda ia ku bas pesta-pesta agamana, i ja dibata Moap isembah. Ipan kalak Israel pangan kalak e janah isembahna dibatana,

³Baal Peor, e maka nembeh ate TUHAN kempak ia kerina.

⁴Jenari ikatakenNa man Musa nina, “Tangkap kerina peminpin-peminpin kalak Israel, jenari, tandana Aku ipatuhi, bunuh ia i lebe-lebe jelma si nterem, gelah kenca e lanai Aku merawa kempak bangsa e.”

⁵E maka nina Musa man kerina petugas-petugas, “Sekalak-sekalak kam arus munuh tep-tep kalak si i bas sukundu si enggo jadi kalak si ersembah man Baal Peor.”

⁶Lit sekalak Israel ibabana sekalak diberu bangsa Midian ku bas kemahna terang-terangen iidah Musa ras kerina perpulungen. Asum e Musa ras bangsa Israel sangana tangis-tangis i bas dalan bengket ku Kemah Perjumpan.

⁷Tupung Pinehas, anak Eleasar ntah kempu Imam Harun, ngidah si enda, keke ia minter jenari itadingkenna perpulungen e. Ibuatna sada lembing,

⁸iikutina dilaki ras diberu ndai ku bas kemah e, jenari ipantemkenna lembing ndai seh telpus duana. Alu bagenda penakit si enggo ngkenai ras munuh nterem kalak Israel minter ipengadi,

⁹tapi enggo lit sempat mate dua puluh empat ribu kalak.

¹⁰Nina TUHAN man Musa,

¹¹“Erkite-kiteken kai si enggo ibahan Pinehas, lanai ateKu nembeh man bangsa Israel. La ipelepasna ise pe ersembah man dibata si deban seakatan man bangKu, janah em sabapna maka la ia Kulesapken ibahan rawangKu.

¹²E maka katakenlah man bana maka ateKu erbahan sada perpadanen ras ia si tetap seh rasa lalap.

¹³Ia ras kesusurenna enggo itetapken alu nteguh jadi imam, sabap la ipelepasna lit kalak Israel nembah man dibata-dibata si deban janah isehkenna pengalemi dosa man bangsa e.”

¹⁴Gelar kalak Israel si ibunuh ras diberu kalak Midian ndai e me kap Simri anak Salu, kepala terpuk keluarga suku Simeon.

¹⁵Gelar diberu ndai Kosbi anak Sur. Ia sekalak pengulu i bas terpuk-terpuk si sada nini i bas kalak Midian.

¹⁶Iperentahken TUHAN man Musa nina,

¹⁷“Ayak-ayak kerina kalak Midian jenari kernepken lah ia,

¹⁸erkite-kiteken kejahaten si ibahanna man bandu asum itipuna kam i Peor, ras erkite-kiteken Kosbi, si ibunuh tupung lit penakit si ngkenai nterem jelma i Peor.”