Read Batak Karo BILANGEN 26 Bible Online

BILANGEN 26 - Batak Karo bible

BILANGEN 26

¹Enggo kenca lepas penakit si mehantu e ikataken TUHAN man Musa ras man Eleasar anak Harun nina, [41†]

²“Bahanlah sensus rikutken keluarga-keluarga i bas kerina perpulungen bangsa Israel, gelah ikira kerina dilaki si umurna dua puluh tahun ntah pe lebih, si ngasup jadi tentera.”

³[3-4] Iikutken Musa ras Eleasar kata TUHAN, jenari ipepulungna kerina dilaki si asa e umurna. Pulung ia kerina i bas kendit Moap i kepar-kepar Lau Jordan petingtang ras Jeriho. Enda me kalak Israel si ndarat i Mesir nari:

⁴

⁵Suku Ruben (Ruben e me kap anak Jakup sintua): terpuk-terpukna e me kap Enoh, Pallu,

⁶Hesron, ras Karmi.

⁷Terpuk-terpuk enda teremna kerina lit 43.730 kalak dilaki.

⁸Kesusuren Pallu e me Eliap,

⁹ras anakna Nemuel, Datan, ras Abiram. (Datan ras Abiram enda e me kalak si ipilih perpulungen.) Isimbakna Musa ras Harun jenari ergabung ia ras pengikut-pengikut Korah asum ia berontak ngelawan TUHAN.

¹⁰Beka taneh jenari itelenna ia kerina, janah mate ia ras Korah ras pengikut-pengikutna asum reh api mangani dua ratus lima puluh kalak; enda kerina jadi sada pertenget man bangsa e.

¹¹Tapi anak-anak Korah la ibunuh.

¹²Suku Simeon: terpuk-terpukna e me kap Nemuel, Jamin, Jakin,

¹³Sera, ras Saul.

¹⁴terpuk-terpuk enda teremna kerina lit 22.200 kalak dilaki.

¹⁵Suku Gat: terpuk-terpukna e me kap Sepon, Haggi, Suni,

¹⁶Osni, Eri,

¹⁷Arot, ras Areli.

¹⁸Terpuk-terpuk enda teremna kerina lit 40.500 kalak dilaki.

¹⁹ [19-21] Suku Juda terpuk-terpukna e me kap Sela, Peres, Sera, Hesron, ras Hamul. (Dua kalak i bas anak-anak Juda, Er ras Onan, enggo mate i taneh Kanaan.)

²⁰

²¹

²²Terpuk-terpukna enda teremna kerina lit 76.500 kalak dilaki.

²³Suku Isakar: terpuk-terpukna e me kap Tola, Puah,

²⁴Jusup, ras Simron.

²⁵Terpuk-terpuk enda teremna kerina lit 64.300 kalak dilaki.

²⁶Suku Sebulon: terpuk-terpukna e me kap Seret, Elon, ras Jalel.

²⁷Terpuk-terpuk enda teremna kerina lit 60.500 kalak dilaki.

²⁸Suku Jusup, anakna lit dua kalak, Manase ras Eperaim.

²⁹Suku Manase: anakna Mahir. Anak Mahir e me kap Gileat, janah terpuk-terpuk si tersurat arah teruh enda e me kap kesusuren Gileat:

³⁰terpuk-terpuk Jeser, Helek,

³¹Asriel, Sikem,

³²Semida, ras Heper.

³³Selapehat anak Heper la lit anakna dilaki, tapi diberu ngenca; gelar-gelarna e me Mahlah, Nuah, Hogelah, Milkah, ras Tirsah.

³⁴Terpuk-terpuk enda teremna kerina lit 52.700 kalak dilaki.

³⁵Suku Eperaim: terpuk-terpukna e me kap Sutela, Bekar, ras Tahan.

³⁶Terpuk Eran e me kap kesusuren Sutela.

³⁷Terpuk-terpuk enda teremna kerina lit 32.500 kalak dilaki. Enda me terpuk-terpuk kesusuren Jusup.

³⁸Suku Benyamin: terpuk-terpukna e me kap Bela, Asbel, Ahiram,

³⁹Sepupam, ras Hupam.

⁴⁰Terpuk Ared ras Naaman e me kesusuren Bela.

⁴¹Terpuk-terpuk enda teremna kerina lit 45.600 dilaki.

⁴²Suku Dan terpukna e me kap Husim,

⁴³teremna lit 64.400 kalak dilaki.

⁴⁴Suku Aser: terpuk-terpukna e me kap Imna, Ispi, ras Beria.

⁴⁵Terpuk-terpuk Heber ras Malkiel e me kap kesusuren Beria.

⁴⁶Aser lit sekalak anakna diberu, Serah gelarna.

⁴⁷Terpuk-terpuk enda teremna kerina lit 53.400 kalak dilaki.

⁴⁸Suku Naptali: terpuk-terpukna e me kap Jahsel, Guni,

⁴⁹Jeser, ras Silem.

⁵⁰Terpuk-terpuk enda teremna kerina lit 45.400 kalak dilaki.

⁵¹Jumlah kerina dilaki kalak Israel e me 601.730 kalak.

⁵²Nina TUHAN man Musa, [42†]

⁵³“Bagi-bagi taneh e man kerina suku-suku e, sue ras beliganna tep-tep suku.

⁵⁴[54-56] Bagiken taneh e alu erbahan tikam tanduk, jenari bereken lah bagin si mbelang man suku si nterem jumlahna, janah bagin si kitik man suku si kitik.”

⁵⁵

⁵⁶

⁵⁷Si subuk ku bas suku Lewi e me kap terpuk-terpuk Gerson, Kohat ras Merari.

⁵⁸Kesusuren si telu kalak enda e me kap Lipni, Hebron, Mahli, Musi, ras Korah. Anak Kohat e me Amram,

⁵⁹si ngempoi Johebet, anak Lewi si tubuh i Mesir. Anak Amram si tubuh i bas Johebet nari lit dua kalak dilaki, Harun ras Musa, ras sekalak diberu Miriam gelarna.

⁶⁰Anak Harun lit empat kalak dilaki e me Nadap, Abihu, Eleasar, ras Itamar. [43†]

⁶¹Nadap ras Abihu mate tupung ipersembahkenna api si la badia man TUHAN. [44†]

⁶²Kerina dilaki i bas kalak Lewi si umurna sada bulan ntah pe lebih lit 23.000 kalak. Ia kerina serap isuratken i bas kalak Israel si debanna, sabap man bana la ibereken erta-erta i Israel.

⁶³Kerina terpuk-terpuk enda isuratken Musa ras Eleasar asum ibahanna sensus man bangsa Israel i bas kendit Moap i kepar-kepar Lau Jordan, petingtang ras Jeriho.

⁶⁴Sada pe lanai lit tading i bas kalak si isuratken Musa ras Harun asum sensus si pemena i gurun pasir Sinai.

⁶⁵Kerna si e enggo ikataken TUHAN maka kerina ia la banci la mate i bas taneh si mesawang; janah payo me tuhu enggo jadi bage, seakatan Kalep anak Jepune ras Josua anak Nun. [45†]