Read Batak Karo SAKARIA 11 Bible Online

SAKARIA 11 - Batak Karo bible

SAKARIA 11

¹Talangilah pintunndu, o Libanon, maka ipan api kayu asisndu.

²Tangis ras ngandunglah, o kayu eru, sabap kayu-kayu asis si mbelin e enggo ikernepken. Tangis ras ngandunglah, o kayu jati Basan, sabap kerangen tua e enggo radas.

³Peminpin-peminpin nderkuh kerina, sabap enggo bene kemulianna. Begikenlah sora singa erdengum, sabap kerangen tua si jadi inganna. Si lit segedang-gedang Lau Jordan, enggo ikernepken.

⁴Bagenda nina TUHAN Dibatangku, “Pekulah-kulahlah bandu jadi sekalak permakan nandangi sada rarasen biri-biri si nandangi igeleh.

⁵Empuna munuhi biri-birina tapi la ia iukum. Idayakenna dagingna janah nina, ‘Pujilah TUHAN! Kita enggo bayak!’ Subuk permakanna pe la erkuah ate man biri-biri e.” (

⁶Nina TUHAN, “Ise pe lanai ateKu mekuah i doni. Aku jine me si namaken manusia ku teruh kuasa raja-rajana. Raja-raja ngeradasken doni, janah la Kukelini doni i bas kuasana nari.”)

⁷Perbinaga biri-biri e ngupahi aku, jenari aku enggo jadi permakan biri-biri si nandangi igeleh e. Kubuat dua ciken, sada kugelari ciken “Ngena ate” dingen sada nari “Persadan”. E maka kuarak-arak me biri-biri e.

⁸La aku sabar ngidah permakan si deban si telu nari si ersegat ate man bangKu, e maka Kubenterken ia kerina i bas sada bulan saja.

⁹Kenca bage kukataken man rarasen biri-biri e, “Aku lanai jadi permakanndu. Si mate atena, matelah; si bene, benelah. Si tading denga sibunuh-bunuhen ia sapih-sapih ia.”

¹⁰Kenca bage kubuat ciken si gelarna “Ngena ate” ndai jenari kupenggelken. Alu bage isasapken me perpadanen si enggo ibahan TUHAN ras kerina bangsa-bangsa.

¹¹Dage perpadanen e enggo isasapken i bas wari e. Perbinaga biri-biri e mperdiateken aku, janah ietehna maka TUHAN enggo ngerana arah kai si enggo kulakoken.

¹²Ningku man bana, “Adi nggit kam, berekenlah upahku. Tapi adi la kam nggit, la padah.” E maka igalarina upahku telu puluh duit pirak. [23†] [24†]

¹³Nina TUHAN man bangku, “Tamaken duit e ku bas peti perbendaharan Rumah Pertoton.” E maka kubuat duit pirak si telu puluh upah si iakapna enggo seh kal galangna adi man bangku, jenari kutamaken ku bas peti perbendaharaan Rumah Pertoton.

¹⁴Kenca bage kupenggelken ciken si peduaken, e me ciken “Persadan,” e maka persadan Juda ras Israel enggo peltep.

¹⁵Kenca bage nina TUHAN man bangku, “Pekulah-kulah bandu sekali nari jadi permakan si la terpake.

¹⁶Enggo Kusuruh sekalak permakan mpermakani rarasenku, tapi la isampatina biri-biri si nandangi mate. Biri-biri si bene pe la idaramina, si luka la itambarina, janah si la kena kai pe la iberena gagaten. Tapi daging biri-biri si mbur ipanganina, janah cekilina icaingkenna.

¹⁷Cilaka me permakan si la terpake e! Sabap enggo itadingkenna rarasenna. Nandangi ikernepken perang me kuasana. Tanna enggo mate, janah matana si kemuhen enggo pentang.”