Read Batak Karo SAKARIA 4 Bible Online

SAKARIA 4 - Batak Karo bible

SAKARIA 4

¹Malekat si enggo pernah ngerana ras aku e reh ka mulihi, jenari ingetina aku tempa-tempa tunduh aku ndube nari.

²Isungkunna aku nina, “Kai si iidahndu?” “Sada nahe lampu i bas emas nari,” ningku ngaloi. “I datasna lit sada mangkuk ingan minak. I bas nahe lampu e lit pitu lampu, janah i bas tep-tep lampu lit pitu ingan sumbu.

³Jenari lit ka dua batang saitun deherken nahe lampu e, sada arah kawes, sada arah kemuhen.” [7†]

⁴Kenca bage kusungkun malekat e, ningku, “Kai ertina e, tuan?”

⁵“La kin ietehndu?” nina ka nungkun. “Lang tuan,” ningku njabapsa.

¹⁰ [10b] Nina malekat e man bangku, “Lampu si pitu e, e me mata TUHAN si pitu, si ngidah kerina doni enda.” [8†]

¹¹Kenca bage kusungkun ia, “Kai antusenna batang saitun si lit arah kawes ras kemuhen nahe lampu e? [9†]

¹²Janah kai ka ertina dahan saitun si dua e si lit deherken pipa emas si dua dalan minak saitun e maler?”

¹³Isungkunna ka aku nina, “La kin itehndu?” “Lang tuan,” ningku ngaloi.

¹⁴Kenca bage nina, “E me dua kalak jelma si enggo ipilih dingen iminaki Dibata jadi serayanNa, serayan TUHAN nu kerina doni.” Padan Dibata man Serubabel [6] Malekat e nuruh aku nehken berita i bas TUHAN nari kempak Serubabel. Nina, “Labo erkiteken gegeh tentera, tah pe arah gegehndu jine maka seh sura-surandu tapi arah kesahKu jine nge. [10†] [7] Aminna bagi deleng pe galangna si ngambati kam, tapi kerina jadi kendit i lebe-lebendu. Ipajekkenndu me Rumah Pertoton e, janah tupung itamakenndu batu si perpudina ndungi Rumah e, ersurak-surak me jelma si nterem nina, ‘Mejile kal, mejile tuhu-tuhu!’ ” [8] Reh ka berita si deban man bangKu i bas TUHAN nari. [9] Nina, “Serubabel enggo majekken palas Rumah Pertoton e, e maka la banci lang idungina nge. Kenca jadi pagi si enda ieteh bangsangKu maka Aku si nuruh kam ku tengah-tengahna. [10a] Mecekurak ukurna kerina erkiteken seh kal meletna pendahin majekken Rumah Pertoton e. Tapi idahna Serubabel teru(...)