Read Batak Karo ULANGEN 31 Bible Online

ULANGEN 31 - Batak Karo bible

ULANGEN 31

¹Iterusken Musa ngerana man bangsa Israel,

²nina, “Enggo seratus dua puluh tahun umurku, e maka lanai bo aku ngasup jadi peminpinndu. Tambah si e TUHAN pe enggo ngataken man bangku, maka labo banci kukepari Lau Jordan enda. [154†]

³TUHAN Dibatandu jine erdalan arah lebendu ngkernepken bangsa-bangsa si tading i jah, maka kam banci ngiani negeri e. Josua me jadi peminpinndu sue ras si ikataken TUHAN.

⁴TUHAN ngkernepken kerina bangsa-bangsa e bali ras penalukenNa Sihon ras Og, raja bangsa Amori, dingen ngkernepken negerina. [155†]

⁵TUHAN ngendesken bangsa-bangsa e ku bas tanndu, ras arus maka payo kal bagi si enggo kukataken man bandu e perbahanenndu man bangsa-bangsa e.

⁶Tetapken lah ukurndu janah tek lah. Ola kam mbiar man bana. TUHAN Dibatandu kap si ngarak-ngarak kam. La kam juru ibahanNa ras la kam itadingkenNa.”

⁷Kenca bage idilo Musa si Josua nina man bana i lebe-lebe bangsa Israel, “Tetapkenlah ukurndu janah tek lah; kam me si mabai bangsa enda guna ndatken negeri si ipadanken TUHAN man nini-ninina.

⁸TUHAN kap si mabai kam ras si nemani kam. La kam juru ibahanNa la kam itadingkenNa. E maka ola bene ukurndu, ola mbiar.” [156†]

⁹E maka isuratken Musa undang-undang Dibata, iberekenna man imam-imam Lewi, e me kalak si ertugas njagai Peti Perpadanen TUHAN ras man peminpin-peminpin bangsa Israel.

¹⁰Iperentahken Musa bagenda man bangsa Israel, “Tiap ujung tahun pepituken, adi tahun nasapken utang enggo ka seh, ogeken undang-undang e alu sora megang i bas Wari Raya Sapo-sapo. [157†]

¹¹Ogeken undang-undang e man bangsa Israel sanga ia reh ersembah man Dibata i bas ingan ersembah si sada e.

¹²Pepulung kerina, dilaki ras diberu, anak-anak, bangsa si deban si tading i kutandu maka kerina banci megiken undang-undang e, ras erlajar mehamat man TUHAN Dibatandu, dingen ngikutken pengajarenNa alu tutus.

¹³Alu dalan bage sinursurndu si langa penah megi undang-undang TUHAN Dibatandu banci megisa. Dage banci ipelajarina ngikutken TUHAN kidekah ia nggeluh i negeri si nandangi iinganindu i kepar Lau Jordan.”

¹⁴Kenca bage nina TUHAN man Musa, “Lanai kam ndekah nggeluh. Lebuhken Josua, baba ku Kemah Perjumpan maka banci Kubereken man bana perentah-perentahKu.” Lawes Musa ras Josua ku Kemah e,

¹⁵e maka teridah TUHAN man Musa ras Josua i je, i bas binangun embun si pajek deher pintun Kemah e.

¹⁶Nina TUHAN man Musa, “Lanai ndekah mate me kam. Kenca kam mate, bangsa enda lanai setia man bangKu janah ilanggarna perpadanen si Kubahan ras ia. Itadingkenna Aku, isembahna dibata-dibata kalak perbegu si ngiani negeri si nandangi ibengketina e.

¹⁷Adi jadi si e, tentu merawa Aku man bana. Kutadingken ia, e maka kernep ia. Melala mara si mesangat jadi man bana, jenari maka ietehna maka si e kerina jadi man bana erkiteken Aku TUHAN Dibatana lanai ras ia.

¹⁸E maka la Aku nggit nampati ia i bas paksa si e, erkiteken enggo ibanna si jahat dingen nembah ku dibata-dibata si deban.

¹⁹Genduari suratkenlah ende-enden enda, ajarken man bangsa Israel, maka ende-enden e jadi saksingKu man bana.

²⁰Kutamaken ia ku negeri si dem kebayaken dingen mehumur e, sue ras si enggo Kupadanken man nini-ninina. I jah banci ia ndatken nakan bagi ate-atena, janah ia nggeluh i bas kesenangen. Tapi nilah me ia, isembahna dibata-dibata si deban. Itulakna Aku, ilanggarna perpadanenKu,

²¹e maka melala mara jadi man bana. Tapi ende-enden enda tetap iendeken sinursurna, jadi saksi ngelawan ia. Sabap genduari pe ope denga Kutamaken ia ku negeri si Kupadanken merekenca man bana, enggo Kueteh perukurenna.”

²²I bas wari e ka isuratken Musa ende-enden e, janah iajarkenna man bangsa Israel.

²³Kenca bage, ngerana TUHAN man Josua anak Nun nina, “Teklah janah tetapkenlah ukurndu. Kam me mabai bangsa Israel mengketi negeri si Kupadanken man bana. Aku nemani kam.” [158†]

²⁴Isuratken Musa Undang-undang Dibata i bas sada kitap, ijagana kal maka sada pe la lit si tading.

²⁵Kenca enggo dung nina man imam-imam suku Lewi si njagai Peti Perpadanen TUHAN,

²⁶“Aloken kitap Undang-undang Dibata enda, tamaken deherken Peti Perpadanen TUHAN Dibatandu, gelah i je undang-undang e jadi saksi nandangi bangsa TUHAN.

²⁷Kueteh kuga kengna ras kuga ngelawanna bangsa enda. Kidekah aku nggeluh la erngadi-ngadi ia ngelawan TUHAN, janah ersangatna denga ka kenca aku mate.

²⁸Pepulunglah kerina peminpin-peminpin ras pegawe-pegawe suku-sukundu ku lebe-lebengku, maka banci kuturiken perkara-perkara si enda. Kulebuh langit ras doni jadi saksingku nandangi ia.

²⁹Kueteh maka kenca aku mate, bangsa enda jadi jahat, itulakna kai si enggo kuajarken man bana. Janah i bas paksa si reh enda jumpa mara me ia, erkiteken ibanna TUHAN nembeh alu ngelakoken kai si ilarangNa.”

³⁰Kenca bage ibelasken Musa ende-enden e ngadi-ngadi dung, janah kerina kalak Israel megi-megi.