Read Batak Karo JOHANES 21 Bible Online

JOHANES 21 - Batak Karo bible

JOHANES 21

¹Kenca si ndai icidahken Jesus ka diriNa sekali nari man ajar-ajarNa i Dano Tiberias. Bagenda me turi-turinna:

²Asum pulung Simon Petrus, Tomas (si igelari si Kembar), Natanael (anak kuta Kana i daerah Galilea), ras anak-anak Sebedeus bage pe dua kalak nari ajar-ajar Jesus si deban,

³nina Simon Petrus man teman-temanna e, “Ateku lawes njala nurung.” Ngaloi teman-temanna e, “Kami pe ikut.” E maka berkat kalak e, inangkihna sada perahu. Tapi i bas berngi si ndai sada nurung pe la idatna. [70†]

⁴Terangkenca wari, tedis Jesus i tepi dano; tapi la IA itandai ajar-ajar e.

⁵Iperkuanken Jesus ajar-ajarNa e nina, “O senina, lit nge idatndu nurung?” Erjabap kalak ndai, “Lang, sada pe la lit.”

⁶E maka nina Jesus man kalak e, “Amburken jalandu kempak kemuhen perahu e, tentu rulih kam.” Iamburken kalak ndai jalana, jenari lanai ia ngasup ngerintaksa sabap melala kal nurung i bas. [71†]

⁷Nina ajar-ajar si ikelengi Jesus man Petrus, “Tuhan kap si ngerana man banta e!” Kenca ibegi Simon Petrus maka Tuhan kap si tedis i tepi dano e, ipakena jubahna (sabap ndai enggo itangtangina) jenari lompat ia ku lau.

⁸Ajar-ajar si deban pe ku tepi ras perahu e janahna ngerintak jala si dem nurung e. Kalak e labo ndauh i tepi nari; kira-kira seratus meter ngenca.

⁹Kenca seh i daraten, idapetina enggo merara arang, janah i babo api e lit nurung ras roti.

¹⁰Nina Jesus man ajar-ajarNa e, “Baba ku jenda piga-piga nurung si mbaru itangkapndu e.”

¹¹Lawes Simon Petrus ku perahu, jenari irintakna jalana ndarat. Jala e dem nurung kegalangen, buena seratus lima puluh telu. Amin bage pe buena, labo merigat jala e.

¹²Nina Jesus man ajar-ajarNa e, “Mari, man kita.” Sada pe ajar-ajar e la pang nungkun, “Ise Kam?” Sabap ietehna nge maka Tuhan kap e.

¹³E maka ibuat Jesus roti, jenari iberekenNa man kalak ndai. Bage pe nurung e iberekenNa man ajar-ajarNa.

¹⁴Enda me petelu kaliken Jesus ncidahken diriNa man ajar-ajarNa kenca IA ipekeke i bas si mate nari.

¹⁵Kenca elah man, nungkun Jesus man Petrus nina, “O Simon anak Johanes, kelengen kin atendu Aku asangken ate kalak enda?” Erjabap Simon Petrus, “O Tuhan, ietehndu kap maka keleng ateku Kam.” Nina Jesus man bana, “Permakanilah anak biri-biringKu.”

¹⁶Nungkun ka Jesus pedua kaliken man Petrus, “O Simon, anak Johanes, keleng kin atendu Aku?” Erjabap Simon Petrus, “Keleng Tuhan, ietehNdu kap maka keleng ateku Kam.” Nina Jesus man Simon Petrus, “Permakanilah biri-biringKu.”

¹⁷Petelu kaliken nungkun Jesus man Simon Petrus nina, “O Simon, anak Johanes, keleng kin atendu Aku?” Getem kal pusuh Simon Petrus sabap telu kali enggo Jesus nungkun man bana, “Keleng kin atendu Aku?” E maka erjabap Simon Petrus, “O Tuhan, kai pe ietehNdu kap. IetehNdu pe maka keleng ateku Kam!” Nina Jesus man bana, “Permakanilah biri-biringKu.

¹⁸Kukataken man bandu: Si tuhuna asum kam nguda denga, kam ngaturken dirindu gelah banci lawes ku ja atendu, tapi kenca kam metua, idudurkenndu tanndu janah kalak si deban ngiket kam, jenari ibabana kam ku ingan si la atendu bage.”

¹⁹(Alu kata enda icidahken Jesus kerna uga kematen Petrus guna mpemuliaken Dibata.) Jenari nina Jesus man Simon Petrus, “Ikutkenlah Aku!”

²⁰Jenari itulihken Petrus ku pudi; idahna ajar-ajar si ikelengi Jesus. Ajar-ajar si ikelengi Jesus e ndeher ras Jesus kundul asum Jesus man ras ajar-ajarNa si sepuludua dingen si nungkun, “O Tuhan ise kin si nandangi ndudurken Kam e?” [72†]

²¹Asum idah Petrus ajar-ajar e nina man Jesus, “O Tuhan kuga kerna ia?”

²²Erjabap Jesus, “Adi ateKu nggeluh ia seh Aku reh mulihken, kena kadena kin kam i je? Ikutkenlah Aku!”

²³E maka mbar berita maka ajar-ajar si ikelengi Jesus e la pagi mate. Tapi si tuhuna labo ikataken Jesus maka ajar-ajar si ikelengiNa e la mate! Nina Jesus, “Adi ateKu nggeluh ia seh Aku reh mulihken, kena kadena kin kam i je?”

²⁴Ajar-ajar si ikelengi Jesus e me si ngidah kerina kejadin e dingen ia pe nuratkenca. Sieteh maka kerina si isuratkenna enda tuhu.

²⁵Melala denga perbahanen Jesus si deban. Adi kerina isuratken sada-sadai, kuakap la siat doni enda ingan kitap si isurati e.