Read Batak Karo 1 KORINTI 11 Bible Online

1 KORINTI 11 - Batak Karo bible

1 KORINTI 11

¹Usihlah dage aku, bagi aku pe ngusih Kristus. [47†]

²Kupujiken kam, sabap ingetndu aku rusur dingen alu tutus iikutkenndu ajaren si kuendesken man bandu.

³Tapi ateku min gelah iangkandu maka kerina dilaki, Kristus takalna; diberu, dilaki takalna; Kristus, Dibata kepalana.

⁴Tep-tep dilaki si erbulang asum ertoto ntah ernubuat i tengah-tengah perpulungen, njuruken ia man kepalana.

⁵Janah sekalak diberu si la itutupina takalna asum ia ertoto ntah ernubuat i tengah-tengah perpulungen, njuruken ia man kepalana; bali me ia ras sekalak diberu si enggo icukur bukna.

⁶Sekalak diberu si la itutupina takalna, ulin me adi igunting bukna. Tapi erkiteken njuruken kap adi sekalak diberu icukur ntah pe igunting, madin me itutupina takalna.

⁷Sekalak dilaki labo perlu nutupi takalna sabap ia me gambar ras kemulian Dibata. Tapi diberu me kemulian dilaki; [48†]

⁸sabap labo dilaki ijadiken i bas diberu nari, tapi diberu nge si ijadiken i bas dilaki nari. [49†]

⁹Bage pe labo guna diberu maka dilaki ijadiken, tapi diberu ijadiken guna dilaki.

¹⁰Erkiteken si e janah erkiteken malekat-malekat, sekalak diberu arus make tutup takal, e me tanda kuasana ras tanda maka ia i teruh kuasa perbulangenna.

¹¹I bas persadanta ras Tuhan, dilaki perlu nge diberu, janah diberu perlu nge dilaki.

¹²Sabap bagi diberu ijadiken i bas dilaki nari, bage ka pe dilaki tubuh i bas diberu nari nge, janah kerinana rehna i bas Dibata nari.

¹³Rukurlah kam sekalak-sekalak: mehuli kin sekalak diberu la nutupi takalna asum ia ertoto man Dibata?

¹⁴Ma kin biak kegeluhenta ngajarken man banta maka adi dilaki gedang bukna e njuruken bana.

¹⁵Tapi adi diberu gedang bukna sada kemegahen man bana? Bukna e ibereken man bana selaku cabinna.

¹⁶Tapi adi lit denga kalak si pet ersoal jawab kerna si e, alu gendek banci kukataken maka adat si bage la lit i bas kita tah pe i bas perpulungen-perpulungen Dibata.

¹⁷Kerna perentah-perentah si kubereken i teruh enda la kam kupujiken, sabap adi pulung kam, lalan perbahanenndu si la mehuli asangken si mehuli.

¹⁸Pemena, lit kubegi berita maka i tengah-tengah perpulungenndu lit perpecahen. Tek aku maka lit perpayona berita e.

¹⁹Tuhu arus maka lit kalak erpihak-pihak i tengah-tengahndu, gelah teridah kalak si lulus ujian selaku kalak si tulen i tengah-tengahndu.

²⁰Asum kam pulung lanai bo kam man i bas Pesta Tuhan.

²¹Sabap tep-tep kalak kam merudu man panganndu jine, seh maka deba lit kalak si lumben janah deba lit si mabuk ban besurna.

²²Ma kin lit rumahndu inganndu man ras minem? Alu bage ma ihinandu kin perpulungen Dibata, janah atendu erbahanca gelah mela iakap si musil? Kuga dage ningku man bandu kerna si enda? Arus kin maka kupuji kam? Lang, tentu la kam kupuji!

²³Sabap i bas Tuhan nari nge kualoken pengajaren si kuendesken man bandu e, e me: maka i bas berngina Tuhan Jesus idudurken, ibuatNa roti.

²⁴Janah kenca IA ertoto ngataken bujur man Dibata, icepik-cepikNa roti e, jenari nina, “Enda me kulangKu si ibereken man gunandu. Lakokenlah bage, guna peringet-ingeten nandangi Aku.”

²⁵Bage pe kenca dung man, ibuat Jesus calung, jenari nina, “Calung enda me iketen padan si mbaru si isahken alu darehKu. Tep-tep kam minem tare calung e, lakokenlah bage, guna peringet-ingeten nandangi Aku.” [50†]

²⁶Tep-tep kam man roti e, dingen minem tare calung e, alu bage iberitakenndu kematen Tuhan, seh ngayak IA reh mulihken.

²⁷E maka kalak si man roti Tuhan ntah minem tare calungNa alu cara si la patut, banci ia iukum sabap ersalah ia nandangi badan ras dareh Tuhan.

²⁸Dage tep-tep kalak nguji banalah, jenari ipannalah roti e dingen minem tare calung e.

²⁹Sabap kalak si man ras minem alu la nandai badan Tuhan i je, ia jine maba ukumen man bana, asum ia man ras minem e.

³⁰Erkiteken si e me maka nterem kalak si kote dingen sakit i tengah-tengahndu janah la sitik si enggo mate.

³¹Adi si adili man banta, maka la kita iukum bagi si e.

³²Tapi adi iukum Tuhan kita bagi si e, tujunNa e me gelah ola kita pagi iukum radu ras doni enda.

³³Dage, o senina-seninangku, adi pulung kam erbahan Lakon Persadan si Badia, sitimanlah kam.

³⁴Janah adi lit kalak melihe, manlah ia lebe i rumah, gelah ola erkiteken kepulungenndu e kam kena ukumen Tuhan. Kerna persoalen-persoalen si deban, kuatur pagi e sanga aku reh.