Read Batak Karo JOSUA 12 Bible Online

JOSUA 12 - Batak Karo bible

JOSUA 12

¹Bangsa Israel enggo naluken ras ngiani taneh si arah Timur Lau Jordan, mulai i Baluren Arnon nari terus nangkeng Baluren Lau Jordan ras seh ku Deleng Hermon i Utara. Italukenna dua rajana. [16†]

²Sekalak e me kap raja Sihon, raja kalak Amori si erkuasa i Hesbon. Kerajanna setengah i bas Gileat nari: i Aroer nari i tepi (Baluren Arnon) ras kuta si lit i tengah-tengah baluren e, seh ku Lau Jabok, perbalengen Amon;

³i je bengket Baluren Lau Jordan i Dano Galilea nari ku Selatan ku Bet Jesimot (arah Timur Lawit Mate) janah terus kempak teruh Deleng Pisga.

⁴Italukenna ka pe Raja Og i Basan nari, sekalak i bas kalak Repaim si perpudina; ia merentah i Astarot ras Edrei.

⁵Si bengket ku bas kerajanna e me Deleng Hermon, Saleka, ras kerina daerah Basan seh ku perbatasen Gesur ras Maaka, bage pe setengah i bas daerah Gileat nari, seh ku perbatasen kerajan Raja Sihon i Hesbon nari.

⁶Raja si dua enda enggo italuken Musa ras bangsa Israel. Musa, suruh-suruhen TUHAN e, mereken taneh raja-raja enda man suku Ruben ras Gat ras man setengah i bas suku Manase, jadi sikerajangenna. [17†]

⁷Josua ras bangsa Israel naluken kerina raja-raja i daerah Barat Lau Jordan, i Baalgat nari, si i Baluren Libanon, seh ku Deleng Halak i Selatan, deher Edom. Ibagi-bagiken Josua taneh enda man suku-suku bangsa Israel, iberekenna tetap jadi sikerajangenna.

⁸Bagin si bengket daerah deleng-deleng e, e me kap: daerah teruh deleng si arah Barat, Baluren Lau Jordan ras daerah teruh deleng, gugungen baluren e, reben-reben si arah Timur, ras taneh si la lit launa i Selatan. Nai taneh e ingan kalak Heti, Amori, Kanaan, Peris, Hewi, ras Jebusi.

⁹Bangsa Israel naluken raja-raja si arah teruh enda: raja Jeriho, Ai (deher Betel),

¹⁰Jerusalem, Hebron,

¹¹Jarmut, Lakis,

¹²Eglon, Geser,

¹³Debir, Geder,

¹⁴Horma, Arat,

¹⁵Lipna, Adulam,

¹⁶Makeda, Betel,

¹⁷Tapua, Heper,

¹⁸Apek, Lasaron,

¹⁹Madon, Hasor,

²⁰Simron Meron, Aksap,

²¹Taanak, Megido,

²²Kedes, Jokneam (i Karmel),

²³Dor (i tepi lawit), Goyim (i Galilea),

²⁴ras Tirsa, telu puluh sada kalak raja kerina.