Read Batak Karo JOSUA 15 Bible Online

JOSUA 15 - Batak Karo bible

JOSUA 15

¹Keluarga-keluarga suku Juda ngaloken sada bagin taneh e bagi si ituriken arah teruh enda: Taneh e seh ku ujung Selatan taneh mesawang Sin, i perbalengen Edom.

²Baleng si arah Selatan mulai i bas ujung Selatan Lawit Mate nari,

³terus kempak Selatan i bas dalan Akrabim nari jenari terus ku Sin. Kenca bage terus arah Selatan Kades-Barnea, mentasi Hesron jenari nangkeng ku Adar, mbelok kempak Karka,

⁴terus ku Asmon, janah ngikuti lau i perbalengen Mesir terus ku Lawit Tengah; i je me ujung balengna. Enda me baleng daerah Juda arah Selatan.

⁵Balengna arah Timur e me Lawit Mate terus ku das ku tampuk Lau Jordan inganna muangken launa ku lawit e. Balengna arah Utara mulai i jenari,

⁶terus nangkeng ku Bet Hogela, jenari terus ku Utara uruk-uruk i babo Baluren Lau Jordan. Kenca bage nangkeng ku Batu Bohan. (Bohan e me sekalak anak Ruben.)

⁷I Baluren Kesusahen nari nangkeng ku Debir, jenari kenca e mbelok ku Utara kempak Gilgal, petala-tala ras Dalan Adumim arah bagin Selatan baluren e. I jenari terus ka ku ulu lau Ensemes, jenari ndarat ku Enrogel,

⁸jenari nangkeng arah tengah-tengah Baluren Hinnom i Selatan uruk ingan kuta Jerusalem, kuta kalak Jebusi. Baleng e terus nangkeng ku das uruk i Barat Baluren Hinnom, i ujung Utara Baluren Repaim.

⁹I jenari baleng e terus ku ulu lau Neptoa jenari ndarat ku kuta-kuta deher Deleng Epron. I je mbelok kempak Baal (ntah pe Kiryat Jearim),

¹⁰jenari erputar i Barat Baala kempak deleng-deleng Seir, terus ku Utara deleng Jearim (ntah pe Kesalon), ngincuah ku Bet Semes, jenari terus mentasi Timna.

¹¹I jenari terus ku deleng si lit i Utara Ekron, mbelok kempak Sikeron, mentasi deleng Baala, jenari terus ku Jamnia. Ujungna e me i Lawit Tengah,

¹²si jadi balengna arah Barat. I bas baleng-baleng enda ndai me ringan kalak si bengket ku bas keluarga Juda.

¹³Sue ras iperentah TUHAN man Josua, sada bagin daerah Juda iberekenna man Kalep anak Jepune, i bas suku Juda nari. Ialokenna Hebron kuta sikerajangen Arba, bapa Enak.

¹⁴Ipelawes Kalep kesusuren Enak i bas kuta e nari: e me kempu-kempu Sisai, Ahiman, ras Talmai.

¹⁵I jenari lawes ia merangi kalak si ringan i Debir. (Kuta enda nai igelari Kiryat Seper.)

¹⁶Nina Kalep, “Kuserehken anakku Aksah man kalak si ngasup naluken Kiryat Seper.”

¹⁷Otniel anak senina Kalep, Kenas gelarna, naluken kuta e, e maka iberekenna anakna Aksah jadi ndehara Otniel.

¹⁸I bas wari perjabunna e isekseki Otniel ndeharana gelah ipindona taneh perjuman man bapana, Kalep. Nusur ia i das keledena nari, e maka isungkun Kalep ia kai sura-surana.

¹⁹Nina erjabap, “Ateku mindo ulu lau man bandu. Sabap taneh si enggo iberekenndu man bangku la erlau.” E maka ibereken Kalep man bana ulu lau si arah gugung ras si arah berneh.

²⁰Enda me taneh si ialoken keluarga suku Juda jadi sikerajangenna.

²¹Kota-kota si ndauhna ku Selatan si man bana, si ndeher ras perbalengen Edom, e me Kabseel, Eder, Jagur,

²²Kina, Dimona, Adada,

²³Kedes, Hasor, Itnan,

²⁴Sip, Telem, Bealot.

²⁵Hasor Hadata, Keriot Hesron (ntah pe Hasor),

²⁶Amam, Sema, Molada,

²⁷Hasar Gadda, Hesmon, Betpelet,

²⁸Hasar Sual, Berseba, Bisiotia,

²⁹Baala, Iim, Esem,

³⁰Eltolat, Kesil, Horma,

³¹Siklak, Matmanna, Sansanna,

³²Lebaot, Silhim, Ain, ras Rimon. Kerinana lit dua puluh siwah kuta, rikut pe ras kuta-kuta i sekelewetna.

³³Kuta-kuta si iteruh deleng e me: Estaol, Sora, Asna,

³⁴Sanoa, En-Gannim, Tapua, Enam,

³⁵Jarmut, Adulam, Soko, Aseka,

³⁶Saraim, Aditaim, Gedera, ras Gederotaim, kerinana lit sepuluh empat kuta, rikut pe ras kuta-kuta i sekelewetna.

³⁷Lit ka pe Senan, Hadasa, Migdalgat,

³⁸Dilean, Mispa, Jokteel,

³⁹Lakis, Boskat, Eglon,

⁴⁰Kabbon, Lahmam, Kitlis,

⁴¹Gederot, Bet-Dagon, Naama, ras Makeda, kerinana lit sepuluh enem kuta-kuta, rikut pe ras kuta-kuta i sekelewetna.

⁴²Lit ka pe Lipna, Eter, Asan,

⁴³Ipta, Asna, Nesip,

⁴⁴Keila, Aksip, ras Maresa, kerinana lit siwah, rikut pe ras kuta-kuta i sekelewetna.

⁴⁵Lit ka pe Ekron ras kuta-kutana bage pe dusun-dusunna,

⁴⁶bage pe kerina kuta-kuta ras kuta-kuta deher Asdot, i Ekron nari seh ku Lawit Tengah.

⁴⁷Lit ka pe, Asdot ras Gasa, ikut pe kuta-kuta ras dusun-dusunna, seh ku lau i bas perbalengen Mesir ras ku tepi Lawit Tengah.

⁴⁸I deleng-deleng lit kuta-kuta Samir, Jattir, Soko,

⁴⁹Danna, Kiryat Seper (ntah pe Debir),

⁵⁰Anap, Estemoa, Anim,

⁵¹Gosen, Holon, ras Gilo, sepuluh sada kuta kerina, rikut pe ras kuta-kuta i sekelewetna.

⁵²Lit ka pe Arab, Duma, Esan,

⁵³Janin, Bet Tapua, Apeka,

⁵⁴Humtah, Hebron, ras Sior, siwah kuta kerina, rikut pe ras kuta-kuta i sekelewetna.

⁵⁵Lit ka pe Maon, Karmel, Sip, Jutta,

⁵⁶Jesreel, Jokdeam, Sanoah,

⁵⁷Kain, Gibeah, ras Timna, sepuluh kuta kerina, rikut pe ras kuta-kuta i sekelewetna.

⁵⁸Lit ka pe Halhul, Betsur, Gedor,

⁵⁹Maarat, Bet-Anot, ras Eltekon, enem kuta kerina, rikut pe ras kuta-kuta i sekelewetna.

⁶⁰Lit ka pe Kiryat Baal (ntah pe Kiryat Jearim) ras Raba, dua kuta, rikut pe ras kuta-kuta i sekelewetna.

⁶¹I gurun pasir lit ka pe Bet-Araba, Middin, Sekaka,

⁶²Nibsan, kuta Sira ras En-Gedi, enem kuta kerina, rikut pe ras kuta-kuta i sekelewetna.

⁶³Tapi kalak Juda la ngasup pelawes kalak Jebusi, si ringan i Jerusalem. Kalak Jebusi tetap denga ringan i je ras kalak Juda.