Read Batak Karo JOSUA 17 Bible Online

JOSUA 17 - Batak Karo bible

JOSUA 17

¹Sada bagin i bas taneh si arah Barat Lau Jordan itentuken man sikerajangen piga-piga keluarga kesusuren anak Jusup sintua, Manase. Mahir, bapa Gileat, e me anak Manase. Ia pe sekalak pahlawan perang, e maka Gileat ras Basan arah Timur Lau Jordan, itetapken jadi sikerajangenna.

²Taneh si arah Barat Lau Jordan itetapken jadi sikerajangen keluarga Manase si debanna, e me: Abieser, Helek, Asriel, Sikem, Heper, ras Semida. Enda me kesusuren si dilaki i bas Manase nari, anak Jusup, janah kalak enda me kepala-kepala keluarga.

³Selapehat anak Heper, anak Gileat, anak Mahir anak Manase, la lit anakna dilaki, tapi diberu kerina. Gelarna e me kap Mahlah, Nuah, Hogelah, Milkah, ras Tirah.

⁴Lawes ia ngadap man Imam Eleasar ras man Josua anak Nun ras man peminpin-peminpin bangsa e, jenari nina, “Enggo ipedahken TUHAN man Musa gelah man kami ras man kade-kade kami si dilaki, ibereken sada bagin taneh e jadi sikerajangen kami.” E maka, sue ras si enggo ipedahken TUHAN, man kalak enda ras man kade-kadena si dilaki, ibereken taneh. [28†]

⁵Em sabapna maka Manase ngaloken sepuluh bagin si jadi tambahen Gileat ras Basan arah Timur Lau Jordan,

⁶erkite-kiteken kesusurenna si diberu itetapken ngaloken taneh e bali ras si dilaki. Taneh Gileat itetapken man sikerajangen kesusuren Manase si debanna.

⁷Daerah Manase mulai i Aser nari seh ku Mikmetat, arah Timur Sikem. I jenari terus ku Selatan, gelah bengket kalak Entapua.

⁸Taneh i sekelewet Tapua, Manase empuna, tapi kuta Tapua, inganna i bas perbalengen e, kesusuren Eperaim empuna.

⁹Kenca bage balengna e terus ngikuti Lau Kana. Kuta-kuta arah Selatan lau e Eperaim empuna, aminna gia inganna i bas daerah Manase. Baleng Manase iterusken ngikuti bagin Utara lau e janah tampukna e me i Lawit Tengah.

¹⁰Eperaim inganna arah Selatan, janah Manase arah Utara, janah Lawit Tengah jadi balengna si arah Barat. Aser arah Barat-laut, janah Isakar arah Timur-laut.

¹¹I bas daerah-daerah Isakar ras Aser, kuta-kuta si jadi sikerajangen Manase e me kap Bet-San, Ibleam, rikut pe ras kuta-kuta i sekelewetna, bage pe Dor (inganna i tepi lawit), Endor, Taanak, Megido, ras kuta-kuta i sekelewetna.

¹²Tapi kalak Manase la ngasup pelawes penduduk si ringan i je, e maka kalak Kanaan terus ringan i je.

¹³Aminna gia kenca kalak Israel enggo ergegehna, la ipelawesna kerina kalak Kanaan, tapi ipaksana ia erdahin man bana. [29†]

¹⁴Ikataken kesusuren Jusup man Josua nina, “Engkai maka sada bagin ngenca taneh e iberekenndu jadi sikerajangen kami? Nterem kal kami sabap ipasu-pasu TUHAN kami.”

¹⁵Ngaloi Josua nina, “Adi seh kin kam teremna janah taneh deleng-deleng Eperaim la cukup man bandu, adi bage laweslah kam ku kerangen jenari bersihkenlah taneh kalak Peris ras Repaim jadi sikerajangenndu.”

¹⁶Erjabap ia nina, “Taneh deleng-deleng e la cukup man kami, tapi kalak Kanaan si ringan i kendit-kendit e lit gereta besina, subuk si ringan i Bet-San ras i sekelewetna bage pe si ringan i bas Baluren Jesreel.”

¹⁷Nina Josua man suku Eperaim ras Manase Barat, “Tuhu-tuhu nterem kal kam, janah kam pe megegeh kal. Arus lebih sada bagin man bandu.

¹⁸Taneh deleng-deleng e jadi sikerajangenndu. Aminna gia daerah e kerangen, la banci la ibersihkenndu janah asa kai ibersihkenndu asa e man bandu. Adi kerna kalak Kanaan e, tentu banci ipelawesndu ia, aminna gia ia bangsa si megegehna ras lit gereta besina.”