Read Batak Karo JOSUA 19 Bible Online

JOSUA 19 - Batak Karo bible

JOSUA 19

¹Si peduaken itetapken man keluarga suku Simeon. Daerahna seh ku taneh si itetapken man suku Juda.

²Si bengket ku je e me kap: Berseba, Seba, Molada, [30†]

³Hasar Sual, Bala, Esem,

⁴Eltolat, Betul, Horma,

⁵Siklak, Bet-Markabot, Hasar Susa,

⁶Bet-Lebaot, ras Saruhen; sepuluh kuta kerina, rikut pe ras kuta-kuta i sekelewetna.

⁷Lit ka pe Ain, Rimon, Eter, ras Asan; empat kuta kerina, rikut pe ras kuta-kuta i sekelewetna.

⁸Enda bengket kerina kuta-kuta i sekelewet kuta-kuta enda seh ku Baalat Beer (ntahpe pe Rama), i Selatan. Enda me taneh si ialoken keluarga suku Simeon jadi sikerajangenna.

⁹Erkite-kiteken bagin Juda belangen asa si iperluken, sada bagin i bas daerahna e ibereken man suku Simeon.

¹⁰Si peteluken itetapken man keluarga suku Sebulon. Taneh si ialokenna seh ku Sarit.

¹¹I jenari balengna terus ku Barat ku Mareal, mentas arah tepi Dabbeset ras lau si arah Timur Jokneam.

¹²I Sarit nari balengna e terus ku Timur ku perbalengen Kislot Tabor, kenca e ku Daberat jenari nangkeng ku Japia.

¹³I jenari terus ka ku Timur ku Gat Heper ras ku Etkasin, e maka melok kempak jurusen Neah i bas dalan ku Rimon.

¹⁴Arah Utara, baleng taneh e melok ku Hanaton janah ujungna i Baluren Iptahel.

¹⁵Si bengket ku je e me Kattat, rikut pe ras kuta-kuta i sekelewetna.

¹⁶Kota-kota ras kuta-kuta enda inganna i bas taneh si ialoken keluarga suku Sebulon jadi sikerajangenna.

¹⁷Si peempatken itetapken man keluarga suku Isakar.

¹⁸Si bengket ku bas daerahna e, e me: Jesreel, Kesulot, Sunem,

¹⁹Haparaim, Sion, Anaharat,

²⁰Rabbit, Kesion, Ebes,

²¹Remet, En-Hada, ras Bet-Pases.

²²Balengna enda pe mentas arah tepi Tabor, Sahasuma, ras Bet-Semes, janah ujungna ngadi i Lau Jordan. Si bengket ku je lit sepuluh enem kuta rikut pe ras kuta-kuta i sekelewetna.

²³Kota-kota ras kuta-kuta enda inganna i bas taneh si ialoken keluarga suku Isakar jadi sikerajangenna.

²⁴Si pelimaken man keluarga-keluarga suku Aser.

²⁵Si bengket ku bas daerahna e me: Helkat, Hali, Beten, Aksap,

²⁶Allam Melek, Amat, ras Misal. Arah Barat balengna mentas arah tepi Karmel ras Sihor Libnat.

²⁷Kenca mbelok ku Timur, balengna terus ku Bet-Dagon, mentas arah tepi Sebulon ras Baluren Iptahel janah terus ku Utara ku Betemek ras Nehiel. I jenari terus ku Kabul,

²⁸Eberon, Rehop, Hammon, ras Kana, seh ku Sidon.

²⁹Kenca e mbelok ku Rama, seh ku kuta si itembok e me Tirus; kenca bage mbelok ku Hosa janah ujungna ngadi i Lawit Tengah. Si bengket ku je e me kap: Mahalap, Aksip,

³⁰Umma, Apek, ras Rehop; dage lit dua puluh dua kuta kerina, rikut pe ras kuta-kuta si lit i sekelewetna.

³¹Kota ras kuta-kuta e, e me i bas taneh si nibereken man keluarga kalak Aser.

³²Si peenemken itetapken man keluarga-keluarga suku Naptali.

³³Balengna mulai i Helep nari seh ku kayu jati i Saananim, terus ku Adaminekep ras ku Jamnia, seh ku Lakkum, janah ujungna ngadi i Lau Jordan.

³⁴I jenari balengna melok ku Barat ku Asnot Tabor, i jenari ku Hukkok, lewat arah tepi Sebulon i Selatan, arah tepi Aser i Barat ras arah tepi Lau Jordan i Timur.

³⁵Kuta-kuta si itembok e me: Sidim, Ser, Ramat, Rakat, Kineret,

³⁶Adama, Rama, Hasor,

³⁷Kedes, Edrei, Enhasor,

³⁸Jiron, Mikdalel, Horem, Bet-Anat, ras Bet-Semes; dage lit sepuluh siwah kuta kerina, rikut pe ras kuta-kuta i sekelewetna.

³⁹Kota-kota ras kuta-kuta enda inganna i bas taneh si ialoken keluarga suku Naptali jadi sikerajangenna.

⁴⁰Si pepituken itetapken man keluarga suku Dan.

⁴¹Si bengket ku bas daerahna e me kap: Sora, Estaol, Irsemes,

⁴²Salbim, Ayalon, Itla,

⁴³Elon, Timna, Ekron,

⁴⁴Elteke, Gibeton, Baalat,

⁴⁵Jehut, Beneberak, Gat-Rimon,

⁴⁶Mejarkon, ras Rakon, bage pe daerah i sekelewet Joppa.

⁴⁷Asum kalak Dan kebenen tanehna, lawes ia ku Lais jenari iserangna kuta e. Italukenna kuta e, ibunuhna pendudukna, jenari ibuatna kuta e man sikerajangenna. Iinganina kuta e jenari isambarina gelarna i bas Lais nari jadi Dan, sue ras gelar nini-ninina. [31†]

⁴⁸Kota-kota ras kuta-kuta enda inganna i bas taneh si ialoken keluarga suku Dan jadi sikerajangenna.

⁴⁹Kenca bangsa Israel dung mbagiken taneh e, iberekenna man Josua anak Nun sada bagin taneh e jadi sikerajangenna.

⁵⁰Sue ras si enggo ipedahken TUHAN, iberekenna man bana taneh si ipindo Josua, e me kap Timnat Sera, inganna i deleng-deleng bagin Eperaim. Ipantekina mulihken kuta e jenari i je me ia ringan.

⁵¹Imam Eleasar, Josua anak Nun, ras kepala-kepala keluarga i bas suku-suku Israel netapken bagin-bagin taneh enda alu erbahan tikam tanduk i Silo guna nungkun sura-sura TUHAN, i bas dalan bengket ku bas Kemah Perjumpan ras TUHAN. Alu bage enggo dung pembagin taneh e.