Read Batak Karo 1 SAMUEL 13 Bible Online

1 SAMUEL 13 - Batak Karo bible

1 SAMUEL 13

¹ [1-2] I bas sada wari kenca Saul jadi raja, ipilih Saul 3.000 kalak i bas bangsa Israel nari; 2.000 kalak tading ras ia i Mikmas ras i taneh deleng-deleng Betel; 1.000 kalak isuruhna ras anakna Jonatan ku Gibea, i bas daerah suku Benyamin. Kalak Israel si debanna isuruh Saul mulih.

³Jonatan munuh puanglima kalak Pilisti i Geba, janah kerina kalak Pilisti megi berita kerna si e. Kenca bage isuruh Saul pertenahen ndilo kalak Heber erperang alu ngembus terompet i bas kerina negeri e.

⁴Man kerina kalak Israel ituriken maka Saul enggo munuh puanglima Pilisti janah erkiteken si e enggo nembeh ate kalak Pilisti man kalak Israel. E maka asum bangsa e idilo, minter ia nggit reh ngikutken Saul i Gilgal.

⁵Kalak Pilisti pe pulung guna erperang ras kalak Israel. Gereta perangna lit 30.000, tentera si erkuda 6.000. Tenterana pe nterem, bali buena ras kersik i tepi lawit. Lawes ia ku Mikmas, arah Timur Bet-Awen, e maka erkemah ia i je.

⁶Kenca bage iperangna kalak Israel alu mesangat. Perban e enggo mesera kecibalna. Erkiteken si e, deba kalak Israel cebuni i bas gua ras i bas lubang ntah pe i tengah-tengah batu deleng ntah i bas embang ras sumur;

⁷si deban lawes ngepari Lau Jordan, bengket ku bas daerah Gat ras Gileat. Saul i Gilgal denga, janah kalak si ras ia nggirgir ban biarna.

⁸Itimaina Samuel pitu wari sue ras si enggo ipedahken Samuel man bana, tapi Samuel lalap langa reh ku Gilgal. Bangsa e enggo mulai nadingken Saul, [14†]

⁹e maka nina man kalak ndai, “Baba ku jenda persembahen tutungen, ras persembahen persadan.” E maka ipersembahkenna persembahen tutungen,

¹⁰janah enda denga dung ibahanna reh Samuel. Reh Saul ndarat njumpai ia ras ngalo-ngalosa,

¹¹tapi nina Samuel, “Kai enggo ibahanndu?” Erjabap Saul nina, “Bangsa e enggo nadingken aku, janah kam la reh-reh i bas waktu si enggo itentuken; tambah si e kalak Pilisti sangana pulung i Mikmas.

¹²E maka nina ukurku, ‘Iserang kalak Pilisti atena aku i Gilgal enda, janah la enggo kucubaken mindo perkuah ate TUHAN.’ E maka tergejap i bas aku maka la banci la kusembahken sada persembahen.”

¹³“Motu kal perbahanenndu e,” nina Samuel. “La kam patuh man perentah Tuhan Dibatandu. Adi enggo ikutkenndu pedahNa tentu ibereNa kam ras kesusurenndu ngerajai Israel seh rasa lalap.

¹⁴Tapi genduari kinirajanndu la banci tetap. Erkite-kiteken enggo isimbakndu Ia, la banci la idarami TUHAN kalak si ngena ateNa janah Ia ngangkatsa jadi raja i bas bangsaNa.” [15†]

¹⁵Lawes Samuel i Gilgal nari jenari iteruskenna perdalanenna. Kalak Israel si debanna ngikut ras Saul asum ia lawes ndahi tenterana. Lawes ia kerina i Gilgal nari ku Gibea i bas daerah Benyamin. Ipereksa Saul tenterana, teremna lit 600 kalak.

¹⁶Saul ras anakna Jonatan, bage pe anak buahna erkemah i Geba, i bas daerah Benyamin; kemah kalak Pilisti e me i Mikmas.

¹⁷Tentera kalak Pilisti ndarat erbahan serangen si rempet i bas inganna erkemah nari alu telu terpuk: sada terpuk lawes kempak Opra i bas daerah Sual.

¹⁸Si deban lawes kempak Bet-Horon janah si debanna ka lawes ku perbalengen si i babo Baluren Seboim ras taneh si mesawang.

¹⁹I bas taneh Israel la lit tukang besi erkite-kiteken ijaga kalak Pilisti tuhu-tuhu maka kalak Heber ola erbahan pedang ras lembing. (

²⁰Adi itelapi kalak Israel atena gigi tenggalana, beliungna, kapakna, ras sabi-sabina, terpaksa ia lawes man kalak Pilisti.

²¹Upah nelapi kapak ras beliung e me sada sen, janah dua sen guna nelapi gigi tenggala ras cangkul.)

²²Bageme maka i bas wari peperangen e la lit sekalak pe tentera bangsa Israel si erpedang ntah pe erlembing seakatan Saul ras Jonatan, anakna.

²³Isuruh kalak Pilisti sada pasukan tentera guna mpertahanken dalan Baluren Mikmas.