Read Batak Simalungun 1 MUSA 10 Bible Online

1 MUSA 10 - Batak Simalungun bible

1 MUSA 10

¹On ma ginompar ni anak ni si Noak: Si Sem, si Ham pakon si Japet; tubuhan anak ma sidea dob salpu bah na sumbang ai.

²Anak ni si Japet, ai ma si Gomar, si Magog, si Madai si Japan, si Tubal, si Mesek pakon si Tiras.

³Anak ni si Gomar, ai ma si Askenas, si Rifat pakon si Togama.

⁴Anak ni si Japan, ai ma si Elisa, si Tarsis, halak Kittim pakon halak Dodanim.

⁵Humbani sidea do merap bangsa-bangsa na i topi laut. Ai ma anak ni si Japet mangihutkon tanoh ni sidea, sahap ni sidea pakon bangsa ni sidea.

⁶Anak ni si Ham, ai ma si Kus, si Misraim, si Put pakon si Kanaan.

⁷Anak ni si Kus, ai ma si Seba, si Hewila, si Sapta, si Raema pakon si Sapteka. Anak ni si Raema, ai ma si Seba, pakon si Dedan.

⁸Itubuhkon si Kus ma si Nimrod; ia ma na parlobei halak siparkuasa i tanoh on.

⁹Parburu na borani do ia ilobei ni Jahowa; halani ai do ase ihatahon halak, “Parburu na borani ilobei ni Jahowa songon si Nimrod.”

¹⁰Ia parmulaan ni harajaonni, ai ma Babel, Erek, Akad pakon Kalne i tanoh Sinear.

¹¹Misir ma ia hun nagori ai hu Assur, ipungkah ma huta Ninive, Rehobot-Ir, Kalah,

¹²pakon Resen i holangkolang ni Nineve pakon Kalah; ai ma huta na banggal ai.

¹³Itubuhkon si Misraim ma halak Lud, Anam, Lehab, Naftu,

¹⁴Patrus, Kasluh harohan ni halak Palistim, pakon halak Kaptor.

¹⁵Ia si Kanaan itubuhkon ma si Sidon, anak bunga tubuhni ai pakon si Het,

¹⁶pakon halak Jebusi, Amori, Girgasi,

¹⁷Hewi, Arki, Sini,

¹⁸Arwadi, Semari, pakon Hamati; use marserak do marga ni halak Kanaan.

¹⁹Ia tanoh ni halak Kanaan, ai ma hun Sidon nari dompak Gernar das hu Gasa, dompak Sodom, Gumora, Adama pakon Zeboim das hu Lasa.

²⁰Ai ma anak ni si Ham mangihutkon marga ni sidea, sahap ni sidea, tanoh ni sidea pakon bangsa ni sidea.

²¹Tubuhan anak ma homa si Sem, bapa ni haganup anak ni si Heber, abang ni si Japet.

²²Anak ni si Sem, ai ma si Elam, si Assur, si Arpaksad, si Lud pakon si Aram.

²³Anak ni si Aram, ai ma si Uz, si Hul, si Geter pakon si Mas.

²⁴Itubuhkon si Arpaksad ma si Sela, anjaha si Sela manubuhkon si Heber.

²⁵Tubuh ma dua anak ni si Heber; goran ni na sada si Peleg halani bani panorangni ma merap jolma, anjaha goran ni anggini si Joktan.

²⁶Itubuhkon si Joktan ma si Almodad, si Salef, si Hasarmafet, si Jirah,

²⁷si Hadoram, si Usal, si Dikla,

²⁸si Hobal, si Abimael, si Seba,

²⁹si Ofir, si Hewila pakon si Joab; sidea ma ganup anak ni si Joktan.

³⁰Ia ianan ni sidea singgan Mesa do das hu Sefar, ai ma parbalogan na i hapoltakan.

³¹Ai ma anak ni si Sem, mangihutkon marga ni sidea pakon bangsa ni sidea.

³²Ai ma haganup ginompar ni si Noak, mangihutkon marga ni sidea pakon bangsa ni sidea; humbani sidea ma merap sagala bangsa i tanoh on ipudi ni bah na sumbang ai.