Read Batak Simalungun 1 MUSA 36 Bible Online

1 MUSA 36 - Batak Simalungun bible

1 MUSA 36

¹On ma ginompar ni si Esau, ai ma si Edom.

²Ibuat si Esau ma parinangonni humbani boru Kanaan: Si Ada boru ni si Elon, marga Het pakon si Oholibama, boru ni si Ana, anak ni si Zibeon marga Hewi,

³pakon si Basmat, boru ni si Ismael, botou ni si Nebayot.

⁴Dob ai itubuhkon si Ada ma bani si Esau si Elipas; si Basmat manubuhkon si Rehuel;

⁵anjaha si Oholibama manubuhkon si Jehus, si Jaelam pakon si Korah. Ai ma anak ni si Esau, na tubuh bani i tanoh Kanaan.

⁶Dob ai iboan si Esau ma parinangonni, anakni, boruni, ampa haganup halak na adong i rumahni, pinahanni ronsi haganup artani, na pinaidukni i tanoh Kanaan; jadi bungkas ma ia hu sada tanoh, daoh humbani si Jakob, anggini ai.

⁷Ai mabueitu do arta ni sidea anggo rap sidea marianan; seng boi tarparmudu tanoh panginsolatan ni ai sidea, halani hinabuei ni pinahan ni sidea.

⁸Jadi marianan i pardologan Seir ma si Esau, ai ma si Edom.

⁹On ma ginompar ni si Esau, ompung ni halak Edom i pardologan Seir.

¹⁰On ma goran ni anak ni si Esau: Si Elipas anak ni si Ada, parinangon ni si Esau; si Rehuel anak ni si Basmat, parinangon ni si Esau.

¹¹Anak ni si Elipas ai ma: Si Téman, si Omar, si Zefo, si Gaetam pakon si Kenas.

¹²Dihut do si Timna iparjolma si Elipas, anak ni si Esau ai; itubuhkon ma si Amalek bani si Elipas. Ai ma ginompar ni si Ada, parinangon ni si Esau.

¹³On do anak ni si Rehuel: Si Nahat, si Zera, si Samma pakon si Misa. Ai ma pahompu ni si Basmat, parinangon ni si Esau.

¹⁴On do anak ni si Oholibama, boru ni si Ana, anak ni si Zibeon, parinangon ni si Esau; itubuhkon ma bani si Esau, si Jehus, si Jaelam pakon si Korah.

¹⁵On do kopala-kopala ni anak ni si Esau. Humbani si Elipas, anak sikahanan ni si Esau: Kopala Teman, kopala Omar, kopala Zefo, kopala Kemas,

¹⁶kopala Korah, kopala Gaetam pakon kopala Amalek; ai ma kopala-kopala humbani si Elipas i tanoh Edom; sidea ma anak ni si Ida.

¹⁷Anjaha on ma anak ni si Rehuel, anak ni si Esau: Kopala Nahat, kopala Zera, kopala Samma pakon kopala Misa; ai ma kopala-kopala humbani si Rehuel i tanoh Edom; sidea ma anak ni si Basmat, parinangon ni si Esau.

¹⁸On ma anak ni si Oholibama, parinangon ni si Esau: Kopala Jehus, kopala Jaelam pakon kopala Korah; ai ma kopala-kopala humbani si Oholibama, boru ni si Ana, parinangon ni si Esau.

¹⁹On ma anak ni si Esau, ai ma si Edom, anjaha ai ma kopala-kopala ni sidea.

²⁰On ma anak ni si Seir, halak Hori, isi ni tanoh ai: Si Lotan, si Sobal, si Zibeon, si Aha,

²¹si Dison, si Ezer pakon si Disan; on ma kopala-kopala ni halak Hori, sagala anak ni si Seir i tanoh Edom.

²²Anak ni si Lotan ai ma: Si Hori pakon si Heman; botou ni si Lotan ai ma si Timna.

²³Anjaha on ma anak ni si Sobal: Si Alwan, si Manahan, si Ebal, si Sefo pakon si Onam.

²⁴Ia anak ni si Zibeon ai ma: Si Aja pakon si Ana. Si Ana on ma na jumpahan bah milas i halimisan, sanggah na marmahan halode ni bapani ia.

²⁵Anak ni si Ana ai ma si Dison; anjaha si Oholibama ai ma boru ni si Ana.

²⁶Anak ni si Dison ai ma: Si Hemdan, si Esban, si Jitran pakon si Keran.

²⁷Anak ni si Ezer ai ma: Si Bilhan, si Zawan pakon si Akan.

²⁸Anak ni si Disan ai ma: Si Uz pakon si Aran.

²⁹On ma ganup kopala ni halak Hori: Kopala Lotan, kopala Sobal, kopala Zibeon, kopala Ana,

³⁰kopala Dison, kopala Eser pakon kopala Disan. Ai ma kopala ni halak Hori, mangihutkon marga ni sidea i tanoh Seir.

³¹On do raja-raja, na manrajai i tanoh Edom, sanggah seng dong ope raja na manggomgom halak Israel:

³²Si Bela, anak ni si Beor, manggomgom Edom; ia goran ni hutani Dinhaba do.

³³Matei ma si Bela, jadi si Jobab anak ni si Zerah na hun Bosra ma, gantihni manrajai.

³⁴Matei ma si Jobab, jadi si Husam na hun tanoh ni halak Teman ma gantihni manrajai.

³⁵Matei ma si Husam, jadi si Hadad anak ni si Bedad ma gantihni manrajai, na manaluhon si Midian i talun ni halak Moab; Awit do goran ni hutani.

³⁶Matei ma si Hadad, jadi si Samla na hun Masreka ma gantihni manrajai.

³⁷Matei ma si Samla, jadi si Saul na hun Rehobot, na i topi ni bah banggal ai ma gantihni manrajai.

³⁸Matei ma si Saul, jadi si Baal-Hanan anak ni si Akbor ma gantihni manrajai.

³⁹Matei ma si Baal-Hanan anak ni si Akbor ai, jadi si Hadar ma gantihni manrajai; Pau do goran ni hutani anjaha goran ni parinangonni si Mehetabel, boru ni si Matred, na tinubuhkon ni si Mesahab.

⁴⁰On ma goran-goran ni kopala-kopala humbani si Esau, mangihutkon sundut, ianan pakon goran ni sidea: Kopala Timna, Alwa, Jetet,

⁴¹Oholibama, Ela, Pinon,

⁴²Kenas, Téman, Mibsar,

⁴³Makdiel pakon Iram. Ai ma kopala-kopala ni halak Edom mangihutkon ianan ni sidea i tanoh ginomgoman ni sidea; ai ma si Esau ompung ni halak Edom.