Read Batak Simalungun 1 KRONIKA 25 Bible Online

1 KRONIKA 25 - Batak Simalungun bible

1 KRONIKA 25

¹Ambahni ai ipapulig si Daud rap pakon pambobai ni bala ai ma hubani horja ai, anak ni si Asap, anak ni si Heman, pakon anak ni si Jedutun, na igoki Tonduy sanggah mangguit husapi, arbab pakon sordam. Anjaha on ma bilangan ni dalahi na mandalankon tohonan ai. [357]

²Humbani anak ni si Asap: Si Sakkur, si Josep, si Netanya, si Asarela; ai ma anak ni si Asap, na binobahon ni si Asap, na igoki Tonduy, sanggah marmusik romban hubani panogu-noguan ni raja ai.

³Humbani si Jedutun, anak ni si Jedutun: si Gedalya, si Seri, si Jesaya, si Simei, si Hasabya, si Matitya, onom halak, na binobahon ni bapa ni sidea si Jedutun, na igoki Tonduy sanggah marhusapi laho mamuji-muji pakon mangkatahon tarima-kasih hubani Jahowa. [358]

⁴Humbani si Heman, anak ni si Heman: Si Bukia, si Matanya, si Usiel, si Sebuel, si Jerimot, si Hananyah, si Hanani, si Eliata, si Gidalti, si Romamtieser, si Josbekasa, si Maloti, si Hotir pakon si Mahasiot.

⁵Ai ma ganup anak ni si Heman, halak na marpanonggoran bani raja ai, romban hubani hata ni Jahowa, laho patimbulhon tanduk hatuahon; ai ibere Naibata do hubani si Heman sapuluh ompat anak pakon tolu boru. [359]

⁶Ganupan sidea binobahon ni bapa ni sidea, si Asap, si Jedutun pakon si Heman, sanggah mandoding i Rumah ni Jahowa, marhasoman ogung, husapi pakon arbab, laho mandalankon horja i Rumah ni Naibata, ibagas pangatur ni raja ai.

⁷Ia bilangan ni sidea rap pakon sanina ni sidea, na niajaran mandoding hubani Jahowa, haganup na pandei, dua ratus ualuh puluh ualuh halak do.

⁸Tapi mandabuh ruji-ruji do sidea pasal horja ni sidea, na etek age na banggal, guru age susian. [360]

⁹Ruji-ruji na parlobei madabuh hubani si Josep; na paduahon hubani si Gedalia, hubani pakon saninani ampa anakni, sapuluh dua halak;

¹⁰na patoluhon hubani si Sakkur, anakni pakon saninani, sapuluh dua halak;

¹¹na paompatkon hubani si Jisri, anakni pakon saninani, sapuluh dua halak;

¹²na palimahon hubani si Netanya, anakni pakon saninani, sapuluh dua halak;

¹³na paonomkon hubani si Bukiah, anakni pakon saninani, sapuluh dua halak;

¹⁴na papituhon hubani si Jesarela, anakni pakon saninani, sapuluh dua halak;

¹⁵na paualuhkon si Jesaya, anakni pakon saninani, sapuluh dua halak;

¹⁶na pasiahkon si Matanya, anakni pakon saninani, sapuluh dua halak;

¹⁷na pasapuluhkon si Simei, anakni pakon saninani, sapuluh dua halak;

¹⁸na pasapuluhsadahon si Asarel anakni pakon saninani, sapuluh dua halak;

¹⁹na pasapuluhduahon si Hasabya, anakni pakon saninani, sapuluh dua halak;

²⁰na pasapuluhtoluhon si Subael, anakni pakon saninani, sapuluh dua halak;

²¹na pasapuluhompatkon si Matitya, anakni pakon saninani, sapuluh dua halak;

²²na pasapuluhlimahon si Jeremot, anakni pakon saninani, sapuluh dua halak;

²³na pasapuluhonomkon si Hananya, anakni pakon saninani, sapuluh dua halak;

²⁴na pasapuluhpituhon si Josbekasa, anakni pakon saninani, sapuluh dua halak;

²⁵na pasapuluhualuhkon si Hanani, anakni pakon saninani, sapuluh dua halak;

²⁶na pasapuluhsiahkon si Maloti anakni pakon saninani, sapuluh dua halak;

²⁷na paduapuluhkon si Eliata, anakni pakon saninani, sapuluh dua halak;

²⁸na paduapuluhsadahon si Hotir, anakni pakon saninani, sapuluh dua halak;

²⁹na paduapuluhduahon si Gidalti, anakni pakon saninani, sapuluh dua halak;

³⁰na paduapuluhtoluhon si Mahasiot, anakni pakon saninani, sapuluh dua halak;

³¹anjaha na paduapuluhompatkon si Romamtieser, anakni pakon saninani, sapuluh dua halak.