Read Batak Simalungun 1 KRONIKA 26 Bible Online

1 KRONIKA 26 - Batak Simalungun bible

1 KRONIKA 26

¹Pasal parbagi ni sijaga horbangan. Humbani ginompar ni si Korah: Si Meselemya, anak ni si Kore, humbani, ginompar ni si Abiasap. [361]

²Anak ni si Meselemya ai ma: Si Sakarya, bunga tubuhni, si Jediael paidua, si Sebaya paitolu, si Jatniel paiompat.

³si Elam pailima, si Johanan paionom, lsi Elyoenai paipitu.

⁴Anak ni si Obed-Edom ai ma: Si Semaya bunga tubuhni, si Josabad paidua, si Joah paitolu, si Sahar paiompat, si Netaneel pailima.

⁵si Amiel paionom, si Isasar paipitu, si Peuletai paiualuh, ai ipasu-pasu Naibata do ia. [362]

⁶Anak ni si Semaya pe tubuhan anak do, na manrajai ginompar ni ompungni, ai halak na margogoh do sidea.

⁷Anak ni si Semaya ai ma: Si Otni, si Repael, si Obed pakon si Elsabad, anjaha anggi ni sidea, ai ma si Elihu pakon si Semakya, halak na pantas.

⁸Ganupan ai ginompar ni si Obed-Edom rap pakon anak ni sidea, sanina ni sidea, halak na pantas mandalankon jabatan ni; onom puluh dua halak humbani ginompar ni si Obed-Edom.

⁹Anak ni si Meselemya pe ampa saninani, halak na pantas do, tumpu sapuluh ualuh halak.

¹⁰Anak ni si Hosa, ginompar ni si Merari, ai ma: Si Simri, kopalani, age pe seng ia bunga tubuhni, ipabangkit bapani do ia gabe kopala;

¹¹si Hilkia paidua, si Tebalya paitolu, si Sakarya paiompat. Ganup anak pakon anggi ni si Hosa sapuluh tolu halak do.

¹²Ganup parbagian ni sijaga horbangan on, na binagi domu hubani kopalani, adong do horjani usih songon saninani, ai ma marugas i Rumah ni Jahowa.

¹³Idabuh sidea do ruji-ruji dos bani na etek pakon bani na banggal, mar sasaompung, bani ganup horbangan ai. [363]

¹⁴Ruji-ruji ni horbangan parhapoltakan madabuh hubani si Selemya. Idabuh sidea do homa ruji-ruji bani anakni, si Sakarya, sada panuturi na maruhur, gabe madabuh bani ruji-ruji ni horbangan parutara.

¹⁵Madabuh do bani si Obed-Edom horbangan na hampit dangsina, anjaha bani anakni, rumah parugasan.

¹⁶Bani si Supim pakon si Hosa, ai ma horbangan na hampit hasundutan, i lambung ni horbangan Salehet, bani dalan na laho tangkog ai. Patontang do panjagaan ai.

¹⁷Hampit hapoltakan onom halak ganup ari, hampit utara ompat halak ganup ari; anjaha hampit dangsina ompat halak ganup ari; anjaha i lambung ni rumah parugasan dua-dua halak do,

¹⁸anjaha bani Parbar hampit hasundutan, ompat halak bani dalan na bolon anjaha dua halak bani Parbar.

¹⁹On ma parbagi ni halak sijaga horbangan humbani ginompar ni si Korah pakon ginompar ni si Merari. [364]

²⁰Ia halak Levi, sanina ni sidea, sidea do haondosan ni ugas-ugas i Rumah ni Naibata ampa ugas-ugas humbani sibere-bere na pinapansing.

²¹Ginompar ni si Laedan halak Gersom ai, kopalani humbani si Laedan, halak Gersom ai, ai ma si Jehiel. [365]

²²Anak ni si Jehiel ai ma: Si Setam pakon si Joel saninani ai, ai ma haondosan ni ugas-ugas ni Rumah ni Jahowa.

²³Humbani ginompar ni si Amram, si Jisehari, si Hebron pakon si Usiel, ai ma:

²⁴Si Subael, anak ni si Gersom, anak ni si Musa, kopala ni siramotkon ugas-ugas. [366]

²⁵Saninani: Humbani si Elieser, anak ni ai si Rehabya, anak ni ai si Jesaya, anak ni ai si Joram, anak ni ai si Sikri, anak ni ai si Selomit. [367]

²⁶Ia si Selomit pakon saninani, ai ma haondosan ni sagala ugas-ugas, humbani sibere-bere na pinapansing, ai ma na pinapansing ni Raja Daud, ampa kopala ni mar sasaompung, kopala ni sisaribu pakon sisaratus halak ampa kopala ni bala.

²⁷Ipapansing sidea do taban-taban na dapot i parporangan, laho patorsahon rumah panumbahan.

²⁸Sonai homa haganup na dob pinapansing ni si Samuel, halak na marpanonggoran ai, pakon si Saul anak ni si Kis, pakon si Abner anak ni si Ner, ampa si Joab anak ni si Seruya; sagala ugas-ugas na dob pinapansing ondos do bani si Selomit pakon hubani saninani.

²⁹Humbani ginompar ni si Jisehari, si Kenaya pakon saninani do ipabangkit, mangkorjahon horja pardarat bani halak Israel, songon gamot-gamot ampa panguhum.

³⁰Humbani ginompar ni si Hebron: Si Hasabya ampa saninani, saribu pitu ratus halak bueini, halak na pantas; sidea do na mangatur halak Israel, hampit hasundutan ni Jordan, mandalankon ganup horja bani Jahowa ampa siugashonon bani raja ai.

³¹Humbani halak Hebron: si Jerya do kopala (ia pasal ginompar pakon marga ni halak Hebron, ipareksa do bani paompatpuluh-tahunkon, dob gabe raja si Daud, gabe jumpah ma i tongah-tongah ni sidea halak na pantas i Jaeser, na i Gilead) [368]

³²pakon saninani, dua ribu pitu ratus halak bueini, halak na pantas, kopala ni mar sasaompung; ipabangkit Raja Daud ma sidea mangatur halak Ruben, Gad pakon satongah marga Manasse, mandalankon sagala horja bani Naibata ampa siugasonkon bani raja ai. [369]