Read Batak Simalungun 1 KRONIKA 4 Bible Online

1 KRONIKA 4 - Batak Simalungun bible

1 KRONIKA 4

¹Anak ni si Juda: Si Perez, si Hesron, si Karmi, si Hur pakon si Sobal. [40]

²Si Reaya, anak ni si Sobal, ai ma bapa ni si Jahat, anjaha si Jahat ai ma bapa ni si Ahumai pakon si Lahad. Ai ma ginompar ni halak Sereati. [41]

³Anjaha on do anak ni si Hur: Si Etam, si Jesreel, si Jisma ampa si Jidbas; anjaha si Haslelponi do goran ni botou ni sidea.

⁴Ambah ni ai si Penuel, bapa ni si Gedor, anjaha si Eser, bapa ni si Husa. Ai ma anak ni si Hur, bunga tubuh ni si Efrata, bapa ni si Betlehem. [42]

⁵Ia si Ashur, bapa ni si Tekoa, dua do parinangonni, si Helea pakon si Naara.

⁶Itubuhkon si Naara do bani: Si Ahusam, si Heper, si Temmi, si Ahastari, ai ma anak ni si Naara.

⁷Anak ni si Helea: Si Seret, si Sohar pakon si Etnan.

⁸Si Koa ai ma bapa ni si Anub, si Hasobeba pakon ginompar ni si Aharhel, anak ni si Harum.

⁹Sangapan do si Jabes humbani saninani; ibahen inangni do goranni si Jabes, ai nini do: Borit tumang do huahap manubuhkonsi.

¹⁰Idilo si Jabes do goran ni Naibata ni halak Israel, nini, “Sai pasu-pasu Ham ma ahu anjaha pabolag Ham ma tanohku; anjaha sai itumpak tanganmu ma ahu, anjaha padaoh Ham ma hamagouan humbangku, anjaha ulang ma sogop sitaronon bangku.” Jadi ibere Naibata ma na pinangindoni ai. [43]

¹¹Si Kelub, sanina ni si Suha do bapa ni si Mehir, ai ma bapa ni si Eston.

¹²Si Eston do bapa ni si Betrapa, si Pasea pakon si Tehina bapa ni si Irnahas. Ai ma halak na hun Reka.

¹³Anak ni si Kenas: Si Otniel pakon si Seraya; anak ni si Otniel ai ma si Hatat pakon si Meonotai. [44]

¹⁴Si Meonotai ai ma bapa ni si Opra; anjaha si Seraya ai ma bapa ni si Joab, bapa ni halak na marianan i habungan Tuhang, ai tuhang do sidea.

¹⁵Ia anak ni si Kaleb, anak ni si Jepunne, ai ma: Si Iru, si Ela pakon si Naham; anak ni si Ela si Kenas. [45]

¹⁶Anak ni si Jehallelel: Si Sip, si Sipa, si Tirlya pakon si Asarel.

¹⁷Anak ni si Esra: Si Jeter, si Mered, si Eper pakon si Jalon. On ma anak ni si Bitiah, boru ni Parao, parinangon ni si Mered; boratan rumah ma ia anjaha itubuhkon ma si Miryam, si Sammai pakon si Jisba, bapa ni si Estamoa.

¹⁸Anjaha parinangonni, boru Jahudi ai, manubuhkon si Jered, bapa ni si Gedor; si Heber, bapa ni si Soko pakon si Jekutiel bapa ni si Sanoa.

¹⁹Anak ni parinangon ni si Hodia, botou ni si Naham, ai ma bapa ni si Kehila, halak Garmit pakon si Estemoa halak Maahati.

²⁰Anak ni si Simon: Si Ammon, si Rinnah, si Benhanan pakon si Tilon. Anak ni si Jishi: Si Sohet pakon si Bensohet.

²¹Anak ni si Sela, anak ni si Juda ai: Si Er, bapa ni si Leka pakon si Lada, bapa ni si Maresa ampa ginompar ni halak sitonun hiou silopak na i Betasbea. [46]

²²Ambahni ai si Jokim pakon dalahi na i Koseba ampa si Joas pakon si Sarap, na ongga manrajai i Moab, dob ai mulak hu Betlehem, tapi barita na basaia mando ai.

²³Sidea ai do sitopa hudon, na marianan i Netaim pakon Gedera; ijai do sidea marianan i lambung ni raja ai mangkorjahon horjani.

²⁴Anak ni si Simeon: Si Nemuel, si Jamin, si Jarib, si Sera pakon si Saul. [47]

²⁵Anak ni si Saul: Si Sallum; anak ni ai si Mibsam, bapa ni si Misma.

²⁶anak ni si Misma: Si Hamuel; anak ni ai si Sakkur, bapa ni si Simei.

²⁷Sapuluh onom halak do anak ni si Simei, anjaha onom do boruni, tapi seng sadia ramos anggo anggini ai, seng songon panggargar ni ginompar ni si Juda haganup ginompar ni sidea.

²⁸Marianan do sidea i Berseba, Molada, Hazarsual, [48]

²⁹Bilha, Esem, Tolad,

³⁰Bethuel, Horma, Ziklag,

³¹Betmarkabot, Hasarsusim, Bet-Birei pakon i Saharaim. Ai ma huta ni sidea das bani panorang ni Raja Daud.

³²Anjaha dusun ni sidea ai ma: Etam, Ain, Rimmon, Tohen pakon Asan, lima huta,

³³ampa ganup dusun ni sidea ai, inggot ni huta-huta ai das hu Baal. Ai ma huta ianan ni sidea pakon tarombo ni sidea.

³⁴Anjaha si Mesobab, si Jamle, si Josa, anak ni si Amasia,

³⁵si Joel, si Jehu, anak ni si Josibya, anak ni si Seraya, bapa ni si Asiel,

³⁶Si Elioenai, si Jakoba, si Jesohaya, si Asaya, si Adiel, si Jesimiel, si Benaya,

³⁷si Sisa anak ni si Sipi, anak ni si Allon, anak ni si Jedaya, anak ni si Simri, anak ni si Semaya,

³⁸ganup sidea na dob ginoranan ai, raja do sidea i tongah-tongah ni pangkuni, anjaha gargar tumang do ginompar ni ompung ni sidea.

³⁹Halani ai merap ma sidea das hu Geran, das hu hapoltakan ni pamah ai, laho mangindahi sampalan bani biri-biri ni sidea.

⁴⁰Jadi jumpah sidea ma sampalan na lambutan anjaha na dear, anjaha lumbang do tanoh ai, sonang anjaha damei; ginompar ni si Ham do ijai marianan parlobei. [49]

⁴¹Roh do sidea, ai ma na dob tarsurat goran ni sidea ai, bani panorang ni si Hiskia, raja ni Juda, iparseda ma lampo-lampo ni ginompar ni si Ham, anjaha iraseihon ma halak Maon, na jumpah ijai. Bois tumang do sidea ronsi sadari on, anjaha sidea do marianan ijai gantih ni sidea, ai sungkup do ijai panampalan bani biri-biri ni sidea. [50]

⁴²Bungkas do homa humbani sidea, humbani ginompar ni si Simeon, lima ratus halak laho hu dolog Seir, anjaha si Platia, si Nearya, si Repaya pakon si Usiel, anak ni si Ishi do pambobai ni sidea.

⁴³Iboiskon sidea do sima-sima ni halak Amalek na maluah ai, anjaha ijai do sidea marianan ronsi sadari on. [51]