Read Batak Simalungun 1 KRONIKA 7 Bible Online

1 KRONIKA 7 - Batak Simalungun bible

1 KRONIKA 7

¹Anak ni si Isasar: Si Tola, si Pua, si Jasub pakon si Simron, ompat halak. [79]

²Anak ni si Tola: Si Usi, si Repaya, si Jeriel, si Jahmai, si Jibsam pakon si Samuel, kopala ni ginompar ni bapa ni sidea humbani si Tola, siparmunsuh na borani mangihutkon sundut ni sidea; bilangan ni sidea bani panorang ni si Daud dua puluh dua ribu onom ratus halak do bueini.

³Anak ni si Ussi: Si Jisraya. Anak ni si Jisraya: Si Mikael, si Obaja, si Joel pakon si Jissia, lima halak ganupan sidea kopala do.

⁴Anjaha hasoman ni sidea mangihutkon ginompar ni ompung ni sidea, adong do tolu puluh onom ribu halak siparporang, ai buei do parinangon pakon anak ni sidea.

⁵Anjaha sanina ni sidea humbani ganup ginompar ni si Isasar, halak siparporang na borani, ualuh puluh pitu ribu halak do bueini mangihutkon na tarsurat i buku register.

⁶Anak ni si Benyamin: Si Bela, si Beher pakon si Jedihael, tolu halak. [80]

⁷Anak ni si Bela: Si Esbon, si Usi, si Usiel, si Jerimot pakon si Iri, lima halak, kopala ni ginompar ni bapani, halak siparporang na borani; dua puluh dua ribu tolu puluh ompat halak do bueini mangihutkon na tarsurat i buku register.

⁸Si Elieser, si Elioenai, si Omri, si Jeremot, si Abia, si Anatot, pakon si Alemet. Ganupan ai anak ni si Beher.

⁹Anjaha bilangan ni sidea i buku register mangihutkon partubuhni, mangihutkon ginompar ni bapani, halak siparporang na borani, dua puluh ribu dua ratus halak do.

¹⁰Anak ni si Jediael: Si Bilhan. Anak ni si Bilhan: Si Jeus, si Benyamin, si Ehud, si Kenaana, si Zetan, si Tarsis pakon si Ahisahar.

¹¹Ganupan ai anak ni si Jediael, mangihutkon kopala ni ginompar ni bapani, halak siparporang na borani, sapuluh pitu ribu dua ratus halak bueni, na sirsir marporang.

¹²Tapi si Supim pakon si Hupim, ai ma anak ni si Ir, anjaha si Husim anak ni si Aher.

¹³Anak ni si Naftali: Si Jahziel, si Guni, si Jeser pakon si Sallum, ginompar ni si Bilha. [81]

¹⁴Anak ni si Manasse: Si Asriel, na tinubuhkon ni parinangonni, boru Aram ai; itubuhkon ma use si Makir, bapa ni si Gilead. [82]

¹⁵Anjaha ibuat si Makor ma boru humbani si Hupim pakon si Supim. Goran ni botouni si Maaka; goran ni botouni na paduahon si Selopehad; pitah boru do itubuhkon si Selopehad. [83]

¹⁶Dob ai itubuhkon si Maaka, parinangon ni si Makir ma sada anak, anjaha ibahen ma goranni si Peres, anjaha goran ni anggini si Seres do; anjaha anakni si Ulam pakon si Rekem do.

¹⁷Anak ni si Ulam: Si Bedan. Ai ma ginompar ni si Gilead, anak ni si Makir, anak ni si Manasse.

¹⁸Anjaha botouni, si Hammolehet, manubuhkon si Ishod, si Abiezer pakon si Mahla.

¹⁹Anak ni si Semida: Si Ahyan, si Sekem, si Likhi pakon si Aniam.

²⁰Anak ni si Efraim: Si Sutela, anak ni ai si Bered, anak ni ai si Tahat, anak ni ai si Eleada, anak ni ai si Tahat, [84]

²¹anak ni ai si Sabad, anak ni ai si Sutela, si Eser pakon si Elead, na binunuh ni halak Gad, parnagori ai halani tuad sidea laho manangko pinahan ni sidea.

²²Dokah do si Efraim, bapa ni sidea, marpusok ni uhur, gabe roh ma saninani mangapohsi.

²³Dob ai iparayak ma parinangonni gabe boratan rumah ma ia, itubuhkon ma sada anak anjaha ibahen ma goranni si Beria, halani masa hasosakan ibagas rumahni.

²⁴Ia boruni, ai ma si Seerah, ai ma na paulihon Bethoron parbuntu pakon parbornoh ampa Usensera.

²⁵Anak ni si Beria: Si Repa, anak ni ai si Rosep, anak ni ai si Tela, anak ni ai si Tahan,

²⁶anak ni ai si Laedan, anak ni ai si Amihud, anak ni ai si Elisama, [85]

²⁷anak ni ai si Nun, anak ni ai si Josua. [86]

²⁸Ia parbagianan pakon ianan ni sidea ai ma Betel pakon dusunni na masuk hujai, hampit hapoltakan Naaran, hampit hasundutan Geser pakon dusunni, Sikem pakon dusunni, das hu Aya pakon dusunni; [87]

²⁹sonai homa i lambung ni ginompar ni si Manasse, Betsean ampa dusunni, Taanak ampa dusunni, Megiddo ampa dusunni, Dor ampa dusunni. Ijai ma marianan anak ni si Josep, anak ni si Israel. [88]

³⁰Anak ni si Asser: Si Jimna, si Jiswa, si Jiswi, si Beria anjaha botou ni sidea, si Serah do. [89]

³¹Anak ni si Beria: Si Heber pakon si Malkiel, ai ma bapa ni si Birsait.

³²Anak ni si Heber: Si Japlet, si Semer pakon si Hotan, anjaha si Sua do botou ni sidea.

³³Anak ni si Japlet: Si Pasah, si Bimhal pakon si Aswat; ai ma anak ni si Japlet.

³⁴Anak ni si Semer: Si Ahi, si Rohga, si Jehubba pakon si Aram.

³⁵Anak ni si Hotan, anggini ai: Si Sopa, si Jimna, si Seles pakon si Amal.

³⁶Anak ni si Sopa: Si Sua, si Harneper, si Sual, si Beri, si Jimra,

³⁷si Beser, si Hod, si Samma si Silsa, si Jitram, pakon si Bera.

³⁸Anak ni si Jeter: Si Jepunne, si Pispa pakon si Ara.

³⁹Anak ni si Ulla: Si Arah, si Haniel pakon si Risia.

⁴⁰Ganupan ai ginompar ni si Asser, kopala ni ginompar ni ompungni, halak siparporang na borani anjaha na tarpilih, kopala ni raja-raja. Bilangan ni sidea na boi marporang, ibagas buku register dua puluh onom ribu halak do.