Read Batak Simalungun 2 KRONIKA 17 Bible Online

2 KRONIKA 17 - Batak Simalungun bible

2 KRONIKA 17

¹Dob ai si Josafat, anakni ai ma bangkit raja manggantihsi, anjaha ipongutkon do mangimbang Israel. [218]

²Ibagihon do bala bani ganup huta ni Juda na pinatoguh ai, pakon pangawalan i Juda ampa i huta-huta ni Efraim, sagala na tinaluhon ni si Asa, bapani ai. [219]

³Ihasomani Jahowa do si Josafat, ai marparlahou do ia songon parlahou ni si Daud, ompungni ai, bani mungkahni hinan; seng marsungkun ia bani Baal. [220]

⁴Sai ipindahi uhurni do Naibata ni bapani anjaha marparlahou do ia domu hubani tonahni, seng songon pambahen ni halak Israel ibahen.

⁵Jadi ipatotap Jahowa ma harajaonni ibagas tanganni; ganup do halak Juda mambere sohei bani si Josafat; gabe bayak anjaha sangap tumang ma ia. [221]

⁶Lambin pongkut do uhurni mardalan bani dalan ni Jahowa; ambahni ai ipadaoh do panumbahan na i buntu-buntu pakon sisombahon Ashera hun Juda. [222]

⁷Patolu-tahunkon dob raja ia, isuruh ma pangopalai: Si Benhail, si Obaja, si Sakaria, si Nataneel pakon si Mikaya, laho mangajari i huta-huta ni Juda,

⁸anjaha hasoman ni sidea humbani halak Levi: Si Semaya, si Netanya, si Sebaya, si Asael, si Semiramot, si Jonatan, si Adonia, si Tobia pakon si Tob-Adonia, ambahni ai malim Elisama pakon si Joram.

⁹Jadi mangajari ma sidea i Juda, iboan sidea do buku titah ni Jahowa; isiari sidea do ganup huta ni Juda inggot anjaha iajari ma halak simbuei ai. [223]

¹⁰Jadi sogop ma biar humbani Jahowa hubani haganup harajaon inggot ni Juda, gabe seng dong na mambahen parporangan dompak si Josafat. [224]

¹¹Deba humbani halak Palistim mambahen siluah do hubani si Josafat pakon pirak bahen sohei, sonai homa halak Arab iboan do bani pinahan, pitu ribu pitu ratus biribiri tunggal, ampa pitu ribu pitu ratus hambing tunggal. [225]

¹²Jadi lambin dokah lambin timbul ma si Josafat. Ipauli ma i Juda benteng-benteng pakon huta parbohalan. [226]

¹³Buei tumang do bohal ipatumpu i huta-huta ni Juda, anjaha adong do tentarani, halak na borani-borani i Jerusalem.

¹⁴Anjaha on do bilangan ni sidea mar sasaompung. Humbani si Juda, kopala ni mar sasaribu: Kopala Adna rap pakon tolu ratus ribu halak tentara na borani-borani;

¹⁵hasomanni kopala Johanan, rap pakonsi dua ratus ualuh puluh ribu halak;

¹⁶hasomanni use, ai ma si Amasya, anak ni si Sikri, na mangondoskon dirini hubani Jahowa humbani gok ni uhurni, rap pakonsi dua ratus ribu halak tentara na borani-borani. [227]

¹⁷Humbani Benjamin, si Elyada, halak na borani ai, rap pakon dua ratus ualuh puluh ribu halak, na marpanah ampa margantar-gantar. [228]

¹⁸Ambahni ai si Josabat rap pakon saratus ualuh puluh ribu halak, na gopas bingkat hu parporangan.

¹⁹Ai ma siparugas bani raja ai, sobali na binagihon ni raja ai hubagas huta-huta na pinatoguh bani sab Juda. [229]