Read Batak Simalungun 2 KRONIKA 9 Bible Online

2 KRONIKA 9 - Batak Simalungun bible

2 KRONIKA 9

¹Jadi ibogei raja naboru na hun Seba ma barita ni si Salomo, gabe roh ma ia hu Jerusalem, laho mangujisi marhitei sungkun-sungkun na bagas, marhasoman pangiring na bolon pakon unta na mamboan marbagei-bagei na misbou pakon buei omas ampa mata intan. Jadi dob das ia hubani si Salomo, ipatugah ma bani haganup, na adong ibagas uhurni. [114]

²Jadi ibalosi si Salomo ma ganup sungkun-sungkunni ai; anjaha seng dong na ponop bani si Salomo, na so pinatorangni hu bani.

³Dob iidah raja naboru na hun Seba ai hapentaran ni si Salomo, rumah na pinaulini,

⁴sipanganon na i mejani, parhundul ni juakjuakni, pangidangi ni siparugas ampa pakeian ni sidea, sitahu anggur ampa pakeian ni sidea ronsi galangan situtungon, na ginalangkonni i Rumah ni Jahowa, gabe malitonduy ma ia. [115]

⁵Jadi nini ma dompak raja ai, “Sintong do hape barita na hubogei i tanohku, ai ma pasal ham ampa hapentaranmu.

⁶Tapi seng iparhatongon uhurhu lobei barita ai, paima roh ahu, anjaha iidah matangku sandiri ai; hape tonggor ma, satongah humbani habanggalon ni hapentaranmu seng ibaritahon hu bangku; ilobihi ham do barita na hubogei ai.

⁷Martuah ma parinangonmu, martuah ma pakon juakjuakmu, na marugas tongtong i lobeimu pabogei-bogei hapentaranmu. [116]

⁸Pinuji ma Jahowa Naibatamu, na marosuh mangidah ham, gabe ipabangkit ham bani paratas-Ni, gabe raja bani Jahowa Naibatamu. Halani holong ni uhur ni Naibatamu bani Israel, anjaha sihol patotapon-Ni ai ronsi sadokah ni dokahni, mambahen ipabangkit Naibata ham gabe raja manggomgom sidea, ase idalankon ham uhum pakon hapintoran.” [117]

⁹Dob ai ibere naboru ai ma hubani raja ai saratus dua puluh talenta omas pakon rium-riuman, rompah buei tumang ampa mata intan; seng ongga be roh rium-riuman, rompah sonai bueini, songon na binere ni raja naboru na hun Seba ai bani Raja Salomo. [118]

¹⁰Ambahni ai iboan juakjuak ni si Hiram pakon juakjuak ni si Salomo do, ai ma sialop omas hun Opir, hayu jati ampa mata intan. [119]

¹¹Ihatahon raja ai ma paulion andar bani Rumah ni Jahowa ampa bani rumah ni raja ai, sonai homa husapi pakon tulila bani sipandoding; seng dong ongga taridah hayu na sonai ai na saindokah i tanoh Juda. [120]

¹²Raja Salomo pe, ibere do bani raja naboru na hun Seba ai, sagala na pinarsintani ampa na pinindoni, lobih humbani na binereni hubani raja ai. Dob ai mulak ma ia rap pakon juakjuakni hu tanohni.

¹³Ia borat ni omas, na roh hubani si Salomo ibagas satahun, onom ratus onom puluh onom talenta omas do,

¹⁴sobalini na binoan ni partiga-tiga ampa saudagar; anjaha ganup raja ni halak Arab ampa halak na bayak i tanoh ai mamboan omas pakon pirak hubani si Salomo. [121]

¹⁵Ihatahon Raja Salomo ma paulihon dua ratus gantar omas na banggal; pala do onom ratus sekel omas ilampiskon bani sada gantar. [122]

¹⁶Ambahni ai tolu ratus gantar omas na etek; ai tolu ratus sekel omas do ilampiskon bani sada gantar ai. Hu rumah harangan Libanon do inahkon raja ai ai. [123]

¹⁷Ipauli raja ai do homa sada paratas gading, anjaha ilampis do ai bani omas pitah. [124]

¹⁸Onom do talkah ni paratas ai, anjaha adong do sada tampeian ni nahei humbani omas longkot hubani paratas ai, anjaha bani angkup lopah hundulan ai adong do tampeian ni tangan anjaha jongjong do dua singa i lambung ni tampeian ni tangan ai.

¹⁹Anjaha sapuluh dua singa do jongjong bani talkah na onom ai, angkup lopah; seng dong ongga na sonai ai ipauli bani harajaon na ijahanin pe.

²⁰Sonai homa haganup panginuman ni Raja Salomo humbani omas do, anjaha haganup parugas ni rumah harangan Libanon ai pe humbani omas pitah do, ai songon na so marguna do pirak bani uhur ni halak sanggah bani panorang ni si Salomo. [125]

²¹Ai laho do kapal ni raja ai hu Tarsis rap pakon juakjuak ni si Hiram; sahali ibagas tolu tahun roh do kapal Tarsis mamboan omas, pirak, gading, bodat ampa uou. [126]

²²Ase timbulan do Raja Salomo humbani haganup raja ni tanoh on pasal habayakon ampa hapentaran. [127]

²³Sihol do idahon ni ganup raja na i tanoh on bohi ni si Salomo, laho mambogei hapentaranni, na dob binere ni Naibata hubagas uhurni.

²⁴Ganup sidea marsiboan siluahni, ai ma parugas pirak ampa omas, pakeian sinjata pakon rium-riuman, huda pakon halode, siap tahun. [128]

²⁵Adong do bani si Salomo ompat ribu parianan bani huda pakon gareta, pakon sapuluh dua ribu halak siajak huda, na ninahkonni ibagas huta pargaretaan ampa i Jerusalem i lambung ni raja ai. [129]

²⁶Ia do manggomgom ganup raja singgan ni Bah Eprat das hu tanoh ni halak Palistim das hu parbalogan ni Masir. [130]

²⁷Jadi ipatumpu raja ai ma pirak i Jerusalem songon buei ni batu, anjaha hayu ares songon jambu tubuh i tanoh bornoh bueini. [131]

²⁸Ia harohan ni huda hubani si Salomo, ai ma hun Masir ampa hun haganup nagori na inggot ai. [132]

²⁹Ia barita na tading ai ope pasal si Salomo, humbani mungkahni das hubani ujungni, ai lang tarsurat do ai ibagas Barita ni Nabi Natan pakon ibagas Buku Panjahaion ni si Ahia na hun Silo, ampa ibagas Buku Pangungkabon ni si Jedi, halak na marpanonggoran ai dompak si Jerobeam, anak ni si Nebat? [133]

³⁰Ompat puluh tahun do dokahni si Salomo manggomgom ganup halak Israel, i Jerusalem. [134]

³¹Dob ai modom ma si Salomo rap pakon ompungni, anjaha itanom ma ia ibagas huta ni si Daud, bapani ai. Jadi si Rehabeam, anakni ai ma bangkit raja manggantihsi. [135]