Read Batak Simalungun NEHEMIA 10 Bible Online

NEHEMIA 10 - Batak Simalungun bible

NEHEMIA 10

¹Maronjolan hubani ganupan ai mambahen padan na totap ma hanami, anjaha isuratkon hanami do ai anjaha maneken do pambobainami, halak Levi ampa malimnami.

²Halak na mambahen panekenanni: Si Nehemia, panrajai ai, anak ni si Hakalya ampa si Sedekia, [122]

³si Seraya, si Asarya, si Jeremia,

⁴si Pashur, si Amarya, si Malkia,

⁵si Hattus, si Sebanya, si Malluk,

⁶si Harim, si Meremot, si Obaja,

⁷si Daniel, si Gineton, si Baruk,

⁸si Masullam, si Abia, si Miyamin,

⁹si Maasya, si Bilgai ampa si Semaya; ai ma malim.

¹⁰Halak Levi: Si Jesua, anak ni si Asanya, si Binnui humbani anak ni si Hanadat, ampa si Kadmiel;

¹¹anjaha sanina ni sidea, si Sebanya, si Hodia, si Kelita, si Pelaya, si Hanan,

¹²si Mika si Rehob, si Hasabya,

¹³si Sakur, si Serebya, si Sebanya,

¹⁴si Hodia, si Bani, si Beninu.

¹⁵Kopala-kopala ni bangsa ai: Si Paros, si Pahad-Moab, si Elam, si Sattu, si Bani,

¹⁶si Buni, si Asgat, si Bebai,

¹⁷si Adonia, si Bigwai, si Adin,

¹⁸si Ater, si Hiskia, si Assur,

¹⁹si Hodia, si Hasum, si Besai,

²⁰si Harib, si Anatot, si Nebai,

²¹si Magpias, si Mesulam, si Hesir,

²²si Mesesabeel, si Sadok, si Jadua,

²³si Pelatya, si Hanan, si Anaya,

²⁴si Hosea, si Hananya, si Hasub,

²⁵si Halohes, si Pilha, si Sobek,

²⁶si Rehum, si Hasabna, si Maaseya,

²⁷si Ahia, si Hanan, si Anan,

²⁸Si Maluk, si Harim pakon si Baana.

²⁹Anjaha bangsa na tading ai, malim, halak Levi, sijaga horbangan, sipandoding, siparugas i rumah panumbahan ampa haganup halak, na papulig dirini humbani bangsa na i tanoh ni sipajuh begu-begu romban hubani titah ni Jahowa, parinangon ni sidea, anak ni sidea, boru ni sidea, sagala na marpambotoh ampa sagala na marpangarusion, [123]

³⁰pasadahon dirini hubani sanina ni sidea, na sangap ni sidea, anjaha marbulawan ampa marbija ma sidea, paboa maningon marparlahou sidea ibagas titah ni Naibata, na dob binerehonni marhitei si Musa, juakjuak ni Naibata, anjaha laho mandalankon jimot-jimot tonah ni Jahowa, parentah-Ni ampa paraturan-Ni. [124]

³¹Tambah ni ai seng bulih bereonnami borunami hubani bangsa na i tanoh in, barang buaton ni anaknami boru ni sidea. [125]

³²Anjaha anggo ipamboan bangsa na i nagori ai tiga-tiga ni sidea atap omei na ija pe in bani ari Sabat laho manjual ai, seng bulih bolionnami humbani sidea bani ari Sabat atap bani ari na mapansing; anjaha maningon paturutonnami do tanoh in halong bani tahun papituhon, anjaha utang aha pe lang bulih tungguon. [126]

³³Ambah ni ai ibahen hanami ope aturan, na mangihut on, sidalankononnami: Maningon bereonnami ganup tahun sapartolu sekel manumpaki horja i rumah ni Naibata, [127]

³⁴pakeion bani ruti sigalangkonon, bani galangan sipanganon ari-ari, bani galangan situtungon ari-ari, bani ari Sabat, bani poltak ni bulan, bani pesta-pesta, bani parugas-parugas na mapansing, bani galangan pardousaon laho mambahen pardearan bani halak Israel, ampa bani ganup horja i rumah ni Naibatanta. [128]

³⁵Ambah ni ai manjomput na sinurat do hanami: Malim, halak Levi, ampa bangsa ai, pasal soban siboanon hu rumah ni Naibatanta, mangihutkon partubuhnami mar sasaompung, bani panorang na dob tinontuhon ganup tahun, bahen situtungonkon i atas ni anjapanjap ni Jahowa, Naibatanta ai, songon na tarsurat ibagas buku titah ai. [129]

³⁶Sonai homa maningon boanonnami do ganup tahun limbuah ni tanohnami ampa limbuah ni buah ni hayu siganup tahun hu rumah ni Jahowa. [130]

³⁷Sonai homa bunga tubuhnami ampa bunga tubuh ni pinahannami, songon na tarsurat ibagas buku titah, ambah ni ai bunga tubuh ni lombunami ampa biribirinami, maningon boanonnami do hu rumah ni Naibatanta, hubani malim, na marugas i rumah ni Naibatanta. [131]

³⁸Maningon boanonnami do homa limbuah ni nitaknami, ampa guguannami, buah ni haganup hayu, anggur ampa minak hubani malim, hubagas kamar ni rumah ni Naibatanta; sonai homa saparsapuluh ni gogoh ni tanohnami hubani halak Levi, ai halak Levi do na patumpuhon parsapuluhan ai bani ganup huta parjumaannami. [132]

³⁹Malim pe, ginompar ni si Aron, maningon ijai do, sanggah na patumpuhon parsapuluhan ai halak Levi, anjaha maningon boanon ni halak Levi ai do saparsapuluh ni parsapuluhan ai hu rumah ni Naibatanta, hu kamar ni rumah parbohalan. [133]

⁴⁰Ai maningon hubagas kamar ai do boanon ni halak Israel ampa halak Levi guguan gandum, anggur pakon minak, ai ijai do parugas na mapansing ampa malim siparugas ampa sijaga horbangan pakon sipandoding: seng bulih tadingkononnami rumah ni Naibatanta. [134]