Read Batak Simalungun NEHEMIA 3 Bible Online

NEHEMIA 3 - Batak Simalungun bible

NEHEMIA 3

¹Dob ai marugas ma Sintua ni malim Eliasib rap pakon malim, saninani ai, jadi ipauli sidea ma Horbangan Biribiri. Ipapansing sidea ma ai anjaha ipajongjong labahni; ipapansing sidea ma ai das hu Manara Mea, das hu Manara Hananel. [28]

²I lambung ni sidea paulihon halak Jeriko. I lambung ni sidea use si Sakkur, anak ni si Imri.

³Tapi ginompar ni si Senos do pajongjong Horbangan Dengke; ipauli sidea ma tutup tiangni, ipadear homa labahni, parkunsianni pakon ransang-ransangni.

⁴I lambung ni sidea mangumban si Meremot, anak ni si Uria, anak ni si Hakos. I lambung ni si Mesulam, anak ni si Berekia, anak ni si Mesesabeel, mangumban. I lambung ni sidea mangumban si Sadok, anak ni si Baana.

⁵I lambung ni sidea use mangumban halak Tekoa; tapi halak na sangap humbani sidea seng ra mangunduk laho mangkorjahon horja ni Tuhan ni sidea. [29]

⁶Ia bani horbangan ni huta parbagas ai, si Joyada, anak ni si Pasea, ampa si Mesulam, anak ni si Besodeia do na mangumban; ipauli sidea ma tutup tiangni, ipadear homa labahni, parkunsianni pakon ransang-ransangni.

⁷I lambung ni sidea mangumban si Melatia, halak Gibeon, pakon si Jadon, halak Meronot, rap pakon dalahi hun Gibeon pakon hun Mispa, ai ma na i toruh ni gomgoman ni panrajai, na i dipar ni bah banggal ai.

⁸I lambung ni sidea mangumban si Usiel, anak ni si Harhaya, sada humbani tukang omas, i lambungni use mangumban si Hananya, anak ni sada halak sibahen rium-riuman; ipadear sidea ma Jerusalem das hu tembok na lumbang ai. [30]

⁹I lambung ni sidea use mangumban si Repaya, anak ni si Hur, na manrajai satongah distrik Jerusalem.

¹⁰I lambung ni sidea mangumban si Jedaya, anak ni si Harumap, tontang ni rumahni; i lambungni use mangumban si Hattus, anak ni si Hasabneya.

¹¹Bagian na paduahon iumban si Malkia, anak ni si Harim pakon si Hasub, anak ni si Pahat-Moab, das hu Manara Panloburan. [31]

¹²I lambung ni sidea mangumban si Salum, anak ni si Hallohes, na manrajai satongah distrik Jerusalem, ia rap pakon boruni. [32]

¹³Si Hanun pakon par Sanoa mangumban Horbangan Habungan; ipajongjong sidea ma ai use anjaha ibahen labahni, parkunsianni ampa ransang-ransangni, anjaha ipadear sidea do homa tembok ai saribu asta, das hu Horbangan Parnapuan.

¹⁴Si Malkia, anak ni si Rehab, na manrajai distrik Betkerem, mangumban Horbangan Parnapuan; ipauli ma ai use, ibahen labahni, parkunsianni pakon ransang-ransangni. [33]

¹⁵Horbangan Bah Tubuh iumban si Salum, anak ni si Kolhose, na manrajai distrik Mispa; ipauli ma ai use, itayubi, ibahen labahni, parkunsianni pakon ransang-ransangni; ipauli do homa tembok ni Bongbongan Siloa, na i pohon ni raja ai, das hu Tangga Hambing na manuad hun huta ni si Daud. [34]

¹⁶Dob ia, si Nehemia, anak ni si Asbuk, na manrajai satongah distrik Betsur, mangumban das ronsi tontang ni tanoman ni si Daud, das hu bongbongan na pinauli ai, das homa hu rumah ni puanglima-puanglima ai.

¹⁷Dob ai mangumban halak Levi: Si Rehum, anak ni si Bani, dob ai si Hasabiah, na manrajai satongah distrik Kegila, ipauli use bani distrikni.

¹⁸Dob ai, saninani mangumban: Si Baai, anak ni si Henadad, na manrajai satongah distrik Kegila.

¹⁹I lambungni, si Eser, anak ni si Jesua na manrajai Mispa, mangumban bagian na legan, tontang ni tangkogan na hu rumah parsinjataan hampit suhi-suhi ai.

²⁰Dob ai iumban si Baruk, anak ni si Sabbai ma bagian na legan, hun suhi-suhi ai das hu labah ni rumah ni si Eliasib, sintua ni malim ai.

²¹Dob ai iumban si Meremot, anak ni si Uria ma bagian na legan, hun labah ni rumah ni si Eliasib das hu ujung ni rumah ni si Eliasib.

²²Dob ai, mangumban do malim-malim, halak na marianan i Pamah Jordan.

²³Dob sidea mangumban do si Benjamin pakon si Hasub tontang ni rumah ni sidea. Dob sidea si Asarya, anak ni si Maaseya, anak ni si Ananya mangumban i lambung ni rumahni sandiri.

²⁴Dob ai iumban si Binnui, anak ni si Henadad, bagian na legan, hun rumah ni si Asarya das hu suhi-suhi ai ampa suhi-suhi na sada nari ai.

²⁵Si Palal, anak ni si Usai, mangumban tontang ni suhi-suhi ai ampa manara ai, na gijangan humbani rumah ni raja ai, dohorhon alaman ni tutupan ai. Dob ai si Pedaya, anak ni si Paris, [35]

²⁶anjaha siparugas na i rumah panumbahan, na marianan i Opel, mangumban das hu tontang ni Horbangan Bah i hapoltakan ampa manara na gijang ai. [36]

²⁷Dob sidea iumban halak Tekoa ma bagian na legan, tontang ni manara na gijang ai das hu tembok Opel.

²⁸I babou ni Horbangan Huda mangumban malim-malim, ganup tontang ni rumahni bei. [37]

²⁹Dob sidea si Sadok, anak ni si Immer, mangumban tontang ni rumahni sandiri. Dob ai si Semaya, anak ni si Sekanya, sijaga Horbangan Hapoltakan.

³⁰Dob ai iumban si Hananya, anak ni si Selemya, pakon si Hanun, anak paonomkon ni si Salap do bagian na legan. Dob ai si Mesulam, anak ni si Berekia, mangumban tontang ni kamarni.

³¹Dob ai si Malkia, sada humbani tukang omas ai, mangumban das hu rumah ni siparugas i rumah panumbahan ampa partiga-tiga, tontang ni Horbangan Panjagaan ampa kamar pardatas ni suhi-suhi ai.

³²Anjaha i holangkolang ni kamar pardatas ni suhi-suhi ai ampa Horbangan Biribiri ai mangumban tukang omas ampa partiga-tiga.