Read Batak Simalungun NEHEMIA 7 Bible Online

NEHEMIA 7 - Batak Simalungun bible

NEHEMIA 7

¹Jadi siapkonsi napauli tembok ai, anjaha dob hupansang labah ai, anjaha dob pinabangkit sijaga horbangan, sipandoding ampa halak Levi, [70]

²huondoskon ma bani si Hanani anggingkai, ampa hubani si Hananya, kopala ni benteng ai, ase iparentah sidea Jerusalem, ai paruhur sintong do sidea anjaha marhabiaran bani Naibata, lobihan humbani buei halak. [71]

³Ningku ma dompak sidea, “Seng bulih buhaon horbangan ni Jerusalem, paima milas ari, anjaha sanggah bani iananni ope jongjong parjaga ai, maningon tutupon do labah ni horbangan ai, anjaha pangkei marpating-pating bahenon. Anjaha pabangkit ma parjaga humbani halak pangisi ni Jerusalem, ganup bani parjagaanni, ganup tontang ni rumahni. [72]

⁴Bolag anjaha lumbang do huta ai, tapi otik do jolma pangisini anjaha seng dong ope rumah ipauli.

⁵Dob ai ipuhoi Naibatangku ma uhurhu, laho patumpuhon halak na sangap pakon kopala-kopala ampa bangsa ai, laho pasuratkon sidea hubagas buku partingkian. Jadi jumpah ahu ma buku partingkian ni sidea na parlobei tangkog, anjaha jumpah ahu do tarsurat ijai: [73]

⁶On ma jolma pangisi ni nagori ai, na tangkog hun habuangan, na binuangkon ni si Nebukadnesar, raja hun Babel, gabe mulak ma sidea hu Jerusalem ampa hu Juda, ganup hutani bei.

⁷Roh do sidea rap pakon si Serubabel, si Jesua, si Nehemia, si Asaria, si Ramia, si Nahamani, si Mordahai, si Bilsan, si Misperet, si Bigwai, si Nehum ampa si Baana. Bilangan ni dalahi humbani bangsa Israel:

⁸Ginompar ni si Paros dua ribu saratus pitu puluh dua halak.

⁹Ginompar ni si Sepatya tolu ratus pitu puluh dua halak.

¹⁰Ginompar ni si Arak onom ratus lima puluh dua halak.

¹¹Ginompar ni si Pahat-Moab, ai ma ginompar ni si Jesua ampa si Joab, dua ribu ualuh ratus sapuluh ualuh halak.

¹²Ginompar ni si Elam saribu dua ratus lima puluh ompat halak.

¹³Ginompar ni si Sattu ualuh ratus ompat puluh lima halak.

¹⁴Ginompar ni si Sakai pitu ratus onom puluh halak.

¹⁵Ginompar ni si Binui onom ratus ompat puluh ualuh halak.

¹⁶Ginompar ni si Bebai onom ratus dua puluh ualuh halak.

¹⁷Ginompar ni si Asgad dua ribu tolu ratus dua puluh dua halak.

¹⁸Ginompar ni si Adonikam onom ratus onom puluh pitu halak.

¹⁹Ginompar ni si Bigwai dua ribu onom puluh pitu halak.

²⁰Ginompar ni si Adin onom ratus lima puluh lima halak.

²¹Ginompar ni si Ater, humbani si Hiskia, siah puluh ualuh halak.

²²Ginompar ni si Hasum tolu ratus dua puluh ualuh halak.

²³Ginompar ni si Besai tolu ratus dua puluh ompat halak.

²⁴Ginompar ni si Harip saratus sapuluh dua halak.

²⁵Ginompar ni si Gibeon siah puluh lima halak.

²⁶Dalahi na hun Betlehem ampa Netopa saratus ualuh puluh ualuh halak.

²⁷Dalahi na hun Anatot saratus dua puluh ualuh halak.

²⁸Dalahi na hun Bet-Asmavet ompat puluh dua halak.

²⁹Dalahi na hun Kiriat-Jearim, Kapira ampa Beerot, pitu ratus ompat puluh tolu halak. [74]

³⁰Dalahi na hun Rama ampa Gaba onom ratus dua puluh sada halak.

³¹Dalahi na hun Mikmas saratus dua puluh dua halak.

³²Dalahi na hun Betel ampa Ai saratus dua puluh halak.

³³Dalahi hun Nebo na paduahon lima puluh dua halak.

³⁴Ginompar ni si Elam na paduahon saribu dua ratus lima puluh ompat halak.

³⁵Ginompar ni si Harim tolu ratus dua puluh halak.

³⁶Dalahi na hun Jeriko tolu ratus ompat puluh lima halak.

³⁷Dalahi na hun Lod, Hadit ampa Ono pitu ratus dua puluh sada halak.

³⁸Ginompar ni si Sena tolu ribu siah ratus tolu puluh halak.

³⁹Malim-malim: Ginompar ni si Jedaya, ai ma ginompar ni si Jesua, siah ratus pitu puluh tolu halak.

⁴⁰Ginompar ni si Immer saribu lima puluh dua halak.

⁴¹Ginompar ni si Pashur saribu dua ratus ompat puluh pitu halak.

⁴²Ginompar ni si Harim saribu sapuluh pitu halak.

⁴³Halak Levi: Ginompar ni si Jesua, ai ma si Kadmiel ampa anak ni si Hodeva, pitu puluh ompat halak.

⁴⁴Sipandoding: Ginompar ni si Asap saratus ompat puluh ualuh halak.

⁴⁵Sijaga horbangan: Ginompar ni si Salum, ginompar ni si Ater, ginompar ni si Talmon, ginompar ni si Akub, ginompar ni si Hatita, ginompar ni si Sobai, saratus tolu puluh ualuh halak.

⁴⁶Sipangurupi i rumah panumbahan: Ginompar ni si Siha, ginompar ni si Hasupa, ginompar ni si Tabaot,

⁴⁷ginompar ni si Keros, ginompar ni si Siya, ginompar ni si Padon,

⁴⁸ginompar ni si Lebana, ginompar ni si Hagaba, ginompar ni si Salmai,

⁴⁹ginompar ni si Hanan, ginompar ni si Gidel, ginompar ni si Gahar,

⁵⁰ginompar ni si Reaya, ginompar ni si Resin, ginompar ni si Nekoda,

⁵¹ginompar ni si Gasam, ginompar ni si Usa, ginompar ni si Pasea,

⁵²ginompar ni si Besai, ginompar ni si Meunim, ginompar ni si Nepisim,

⁵³ginompar ni si Bakbuk, ginompar ni si Hakupa, ginompar ni si Harhur,

⁵⁴ginompar ni si Baslut, ginompar ni si Mehida, ginompar ni si Harsa,

⁵⁵ginompar ni si Barkos, ginompar ni si Sisera, ginompar ni si Tema,

⁵⁶ginompar ni si Nesia, ginompar ni si Hatipa.

⁵⁷Ginompar ni juakjuak ni si Salomo: Ginompar ni si Sotai, ginompar ni si Soperet, ginompar ni si Perida,

⁵⁸ginompar ni si Jaala, ginompar ni si Darkon, ginompar ni si Gidel,

⁵⁹ginompar ni si Sepatya, ginompar ni si Hatil, ginompar ni si Poheret-Hesebaim, ginompar ni si Amon.

⁶⁰Haganup sipangurupi i rumah panumbahan ampa ginompar ni juakjuak ni si Salomo tolu ratus siah puluh dua halak.

⁶¹Anjaha on do halak na tangkog hun Tel-Mela, Tel-Harsa, Kerub-Adon pakon Immer, tapi lang tarpatorang sidea ginompar ni ompung ni sidea barang ginompar ni sidea sandiri, atap na masuk hu Israel do sidea.

⁶²Ginompar ni si Delaya, ginompar ni si Tobia, ginompar ni si Nekoda, onom ratus ompat puluh dua halak.

⁶³Anjaha humbani malim: Ginompar ni si Habaya, ginompar ni si Hakos, ginompar ni si Barsilai, ai ma na mambuat sada boru ni si Barsilai, halak Gilead ai bahen parinangonni, lanjar goran ni sidea ai ma panggoranini.

⁶⁴Ipindahi sidea do surat hatorangan, paboa na dihut sidea tarsurat ibagas partingkian, tapi lang jumpah ijai, halani ai ipadarat ma sidea humbani hamalimon ai, songon halak na mabutak;

⁶⁵anjaha ihatahon panrajai ai ma bani sidea, paboa na so bulih panganon ni sidea humbani sipanganon na mapansing sahalian ai, paima bangkit sada malim na mar Urim pakon Tumim.

⁶⁶Tumpuan ai ganup ompat puluh dua ribu tolu ratus onom puluh halak do bueini,

⁶⁷sobali jabolon dalahi ampa jabolon naboru ni sidea, ai ma pitu ribu tolu ratus tolu puluh halak bueini; anjaha adong do pandoding bani sidea dua ratus ompat puluh lima halak, dalahi ampa naboru.

⁶⁸Huda ni sidea pitu ratus tolu puluh onom, anjaha huda ni sidea (pirah ni halode) dua ratus ompat puluh lima do bueini;

⁶⁹unta ni sidea ompat ratus tolu puluh lima, anjaha halode ni sidea onom ribu pitu ratus dua puluh do.

⁷⁰Deba humbani kopala ni mar sasaompung itumpaki do horja ai. Sipanrajai ai, ibere do bani parartaan ai saribu darik omas, lima puluh batil ampa lima ratus tolu puluh pakeian ni malim. [75]

⁷¹Anjaha deba nari humbani kopala ni mar sasaompung mambere bani parartaan ni horja ai dua puluh ribu darik omas ampa dua ribu dua ratus mina pirak.

⁷²Anjaha na binere ni halak simbuei na legan ai dua puluh ribu darik omas, dua ribu mina pirak ampa onom puluh pitu pakeian ni malim.

⁷³Anjaha marianan ibagas hutani bei ma malim, halak Levi, sijaga horbangan, pandoding, deba humbani halak simbuei, sipangurupi i rumah panumbahan ampa haganup Israel.